પાકિસ્તાનથી સોશિયલ મિડિયા પર ફેક વીડિયો અપલોડ થઇ રહ્યા છે,ભારતમાં મુસ્લિમોને ભડકાવવાનું કાવતરું
ન્યુ દિલ્હી,તા.૨૬
રાજધાની દિલ્હીના ઉત્તર-પૂર્વના કેટલાક વિસ્તારો ભડકે બળી રહ્યાં છે. અહીં થયેલા તોફાનોમાં અત્યાર સુધીમાં ૨૦ લોકો મોતને ભેટયા છે. અમેરિકાના રાષ્ટ્રપતિ ડૉનાલ્ડ ટ્રમ્પ ભારતની મુકાલાતે આવી રહ્યાં હાતં ત્યારે અચાનક જ રાતોરાત આ તોફાનો ભડકી ઉઠયાં હતાં. દિલ્હીમાં આ પ્રકારના તોફાનોનો સમય અને તેની ગતિ જોતા આ એક સુયોજીત કાવતરૂ હોવાની આશંકા સેવાઈ રહી છે.
ઉત્તર પૂર્વ દિલ્હીમાં ભડકેલી હિંસાને લઈને ગુપ્તચર એજન્સીઓએ શંકાની સોય પાકિસ્તાન પર ચિંધિ છે. સૂત્રોના જણાવ્યા પ્રમાણે, દિલ્હી હિંસા પાછળ આઇએસઆઇનો હાથ હોવાની આશંકા છે. દિલ્હી સહિત અનેક શહેરોમાં હિંસા ભડકાવવા પાછળ ૈંજીૈં છે. સૂત્રોના જણાવ્યાં મુજબ સોશિયલ મીડિયા પર ફેક વીડિયો અપલોડ કરાયા છે જે પાકિસ્તાનથી ઓપરેટ થઈ રહ્યાં છે. પાકિસ્તાન સરકારના અધિકૃત ટ્વીટર એકાઉન્ટથી ભારતમાં મુસલમાનોને ભડકાવવાનો ભરપુર પ્રયાસ થઈ રહ્યો છે.
ઉત્તર પૂર્વ દિલ્હીમાં નાગરિકતા કાયદાને લઈને થયેલી હિંસામાં અત્યાર સુધી ૨૦ લોકોના મોત નિપજ્યા છે. જ્યારે ૧૮૦થી વધુ લોકો ઘાયલ થયા છે. સોમવારે શરૂ થયેલું ઉપદ્રવીઓનું તાંડવ મંગળવારે પણ ચાલુ રહ્યું હતું. જેના પગલે કેન્દ્ર સરકારે જાફરાબાદથી લઈને મૌજપુર અને તેની આસપાસના વિસ્તારોમાં ચુસ્ત સુરક્ષા બંદોબબસ્ત અને કરફ્યુ લગાવ્યો છે અને દેખો ત્યાં ઠારના આદેશ આપ્યા છે.
હિંસાના પગલે રાષ્ટ્રીય સુરક્ષા સલાહકાર અજીત ડોભાલ પણ સક્રિય બન્યા છે અને હિંસાગ્રસ્ત વિસ્તારોની સમીક્ષા માટે ડીસીપી નોર્થ ઈસ્ટની ઓફિસ પહોંચ્યા હતાં. તેમની સાથે મીટિંગમાં સ્પેશિયલ કમિશનર, સતીષ ગોલચા, જોઈન્ટ કમિશનર આલોક કુમાર અને અને ડીસીપી વેદ પ્રકાશ સૂર્યા હાજર હતાં.
આ તોફાનો ટ્રમ્પના આગમન ટાણે જ ભડકાવવામાં આવતા સુરક્ષા એજન્સીઓના કાન સરવા થયા હતાં અને તેમાં પાકિસ્તાનની આઇએસઆઇનો હાથ હોવાના પુરાવા પણ હાથ લાગ્યા છે. આ દિશામાં વધુ તપાસ હાથ ધરવામાં આવી છે.
દિલ્હી સહિત અનેક શહેરોમાં હિંસા ભડકાવવા પાછળ આઇએસઆઇનો હાથ
Leave a Comment