જંબુસરના નવીનગરી શનીયાનોવડ વિસ્તારમાં એક મકાન લોકડાઉન દરમિયાન એકઠા ત્યારે જ પોલીસનો છાપો
વડોદરા,
કોરોના વાયરસના સંક્રમણને અટકાવવા દેશવ્યાપી લોકડાઉનના જાહેરનામાનો ભંગ કરીને મગરીબની નમાજ પઢવા માટે એકઠા થયેલા મૌલવી સહીત તેર વ્યક્તિઓની જંબુસર ખાતેથી ધરપકડ કરવામાં આવી હતી. જંબુસરના નવીનગરી શનીયાનો વડ વિસ્તારમાં એક મકાનમાં એકઠા થયા હોવાની પોલીસને બાતમી મળતા પોલીસે દરોડો પાડતાં ભંડાફોડ થયો હતો.
પોલીસ સૂત્રોના જણાવ્યા અનુસાર નવી નગરી શનીયાનો વડ વિસ્તારમં આવેલા શૌકતભાઇ રહિમભાઇ નુરભાઇ મલેકના મકાનમાં મગરીબની નમાઝ પઢવા માટે લોકો એકઠા થવાના હોવાની બાતમાં મળતાં જંબુસર પોલીસ મથકના પો. ઇ. એ.બી. ચૌધરીએ સ્ટાફ સાથે ગઇકાલે રાત્રે દરોડો પાડ્યો હતો. જે દરમિયાન મૌલવી મહમંદ માઝ સોહિલભાઇ અહમદભાઇ મલેક સહિત તેર વ્યક્તિઓ મળી આવ્યા હતા.
દીલ્હી ખાતે તબલીગી જમાત દ્વાર થયેલ મરકાઝ બાદ આક્રમક બનેલી પોલીસે લોકડાઉનના જાહેરનામાનો ભંગ કરનાર આ તમામની સામે ગુનો દાખલ કરીને તમામ તેરની ધરપકડ કરી હતી. પકડાયેલાઓમાં મકાન માલીક શોકતભાઇ રહીમભાઇ મલેક, તૌસીફ ઐયુબભાઇ રહીમભાઇ મલેક, ઉવેશ અબ્દુલભાઇ મલેક, મૌલવી મહમંદમઝ સોહિલભાઇ મલેક, જાવીદ સુલેમાન ઘાંસી, નવા રસુલભાઇ અલ્લીભાઇ પઠાણ, આસીફ ઇકબાલભાઇ ધૈડ, અસલમ ઐયુબભાઇ નજીર મિર્ઝા, હમીદ કરીમભાઇ ઇસપ ઘાંસી, સઇદ યાકુબભાઇ ઇસ્માઇલ મન્સુરી, સાહીલ ઇકબાલભાઇ પટેલ, હુસેન યાકુબભાઇ મન્સુરી તથા ઇરફાન મહમંદ ઉસ્તાદનો સમાવેશ થાય છે.
