સલમાનને ધમકીના કેસમાં મુંબઈ ક્રાઈમ બ્રાન્ચની પાલઘરમાં તપાસ

મુંબઈ : બોલીવૂડના સુપરસ્ટાર સલમાન ખાન અને તેના પિતા સલીમ ખાનને પત્ર દ્વારા મળેલ એક ધમકીના પ્રકરણમાં ત્રણ શકમંદની તપાસ માટે ક્રાઈમ બ્રાન્ચ-૧૨ની એક ટીમ પાલઘર પહોંચીગઈ હતી.આ ત્રણેય શકમંદો પાલગર જિલ્લાના વાડા વિસ્તારમાં રહી એક કંપનીમાં કામ કરી ચૂક્યા હોવાનું બહાર આવ્યા બાદ આ પ્રકરણની વધુ તપાસ માટે ક્રાઈમ બ્રાન્ચના અધિકારીઓ અહીં આવ્યા હતા.પ્રાપ્ત વિગતાનુસાર ક્રાઈમ બ્રાન્ચના અધિકાપીઓએ વાડાની સાથે જ પાસેના કાસા વિસ્તારમાં પણ વધુ તપાસ કરી હતી.આ ઉપરાંત આ શકમંદો વિશે વધુ માહિતી મેળવવા માટે તેઓ જે કંપનીમાં ટૂંકા સમય માટે કામ કરતા હતા તે કંપનીના મેનેજમેન્ટ સાથે પણ સંપર્ક સાધી વિગત મેળવી હતી.વરિષ્ઠ અધિકારીઓ મુજબ આ એક ખૂબ જ સંવેદનશીલ બાબત હોઈ તેની વધુ તપાસ ચાલી રહી છે.તેથી આ બાબતે વધુ જાણકારી આપી શકાય તેમ નથી.સલમાન ખાનને મલેલી ધમકી બાદ પોલીસે સીસીટીવીના ફૂટેજ સ્કેન કર્યા હતા જેમાં ા શકમંદ નજરે પડયો હોવાનું કહેવાય છે.આ શકમંદે જ અહીં ચીઠી મૂકી હતી કે કેમ તેની પણ વધુ તપાસ ચલાવવામાં આવી રહી છે.