– નાણાકીય વર્ષ 2018-19 દરમિયાન 14,603.9 કરોડ રુપિયાનું નુકસાન વેઠ્યુ હતું
નવી દિલ્હી : ભારતમાં ત્રીજી સૌથી મોટી ટેલીકો કંપની વોડાફોન આઇડિયાને માર્ચ 2020માં સમાપ્ત થતા નાણાકીય વર્ષમાં 73,878 કરોડ રુપિયાનુ જંગી નુકસાન ઉઠાવવુ પડ્યુ છે. બુધવારે કંપનીએ માહિતી આપતા જણાવ્યું કે,સુપ્રીમ કોર્ટના નિર્દેશો મુજબ ચૂકવવાની બાકી નીકળતી રકમની જોગવાઇ કર્યા પછી કંપનીએ અત્યાર સુધીનું રેકોર્ડ બ્રેક નુકસાન પહોંચ્યુ છે.
કોર્ટે આદેશ આપ્યા હતા કે સરકારને ચૂકવવાની બાકી રકમમાં દૂરસંચાર સિવાયની અન્ય આવકને પણ સામેલ કરવામાં આવશે, જે પછી કંપનીએ 51,400 કરોડ ચૂકવવાના રહેશે.કંપનીનું કહ્યુ કે આ દેવાના લીધે કંપનીના સંચાલન પર ગંભીર પ્રતિકૂળ અસર પડી છે. વોડાફોન આઇડિયાએ શેર બજારને જણાવ્યુ કે માર્ચ ત્રિમાસિક દરમિયાન કંપનીની ચોખી ખોટ 11,643.5 કરોડ રુપિયા રહી, જે એક ગત વર્ષના સમાન સમય દરમિયાન 4,881.9 કરોડ રુપિયા હતી અને ઓક્ટોબર-ડિસેમ્બર 2019 ત્રિમાસિકમાં 6438.8 કરોડ રુપિયા હતી.
કંપની મુજબ માર્ચ 2020 ત્રિમાસિક દરમિયાન સંચાલનથી આવક 11,754.2 કરોડ રુપિયા રહી,ગયા વર્ષ દરમિયાન કંપનીને 73,878.1 કરોડ રુપિયાનું નુકસાન થયુ હતું.વોડાફોન આઇડિયાને નાણાકીય વર્ષ 2018-19 દરમિયાન 14,603.9 કરોડ રુપિયાનું નુકસાન વેઠવુ પડ્યુ હતું.
