ઈસ્લામાબાદ, તા. 21 એપ્રિલ 2022 ગુરૂવાર : પાકિસ્તાનના પૂર્વ વડાપ્રધાન અને પીએમએલ-એન પાર્ટીના સુપ્રીમો નવાઝ શરીફના ઈદ-ઉલ-ફિતર બાદ લંડનથી સ્વદેશ પાછા ફરવાની આશા છે.પાર્ટીના એક વરિષ્ઠ નેતાએ બુધવારે આ જાણકારી આપી.તેમણે કહ્યુ કે નવાઝ શરીફ પોતાની સામે બાકી મુદ્દાના કાયદા અને બંધારણ અનુસાર સામનો કરશે.ત્રણ વાર પાકિસ્તાનના વડાપ્રધાન રહી ચૂકેલા શરીફ ભ્રષ્ટાચારના કેટલાક આરોપોનો સામનો કરી રહ્યા છે.તેઓ નવેમ્બર 2019થી લંડનમાં છે, જ્યારે લાહોર હાઈકોર્ટએ તેમને સારવાર માટે ચાર સપ્તાહ માટે વિદેશ જવાની અનુમતિ આપી હતી.પીએમએલ-એન ના નેતા મિયાં જાવેદ લતીફએ એક નિવદેનમાં કહ્યુ, નવાઝ શરીફ ઈદ બાદ પાકિસ્તાનમાં જોવા મળશે.લતીફએ મંગળવારે વડાપ્રધાન શહબાજ શરીફના મંત્રીમંડળના સભ્યના રૂપમાં શપથ લીધા.લતીફએ દાવો કર્યો કે 72 વર્ષીય નવાઝ કાનૂન અને બંધારણ અનુસાર ઘટનાનો સામનો કરશે.તેમણે જોર આપ્યુ કે તેમની પાર્ટી પીએમએલ-એન કોર્ટમાં વિશ્વાસ કરે છે અને તેમનો નિર્ણય સ્વીકાર કરશે.રાજકીય અસ્થિરતાની વચ્ચે પાકિસ્તાનમાં અવિશ્વાસ મત દ્વારા પીએમ પદથી હટાવવામાં આવેલા ઈમરાન ખાન બાદ બનેલા નવા વડાપ્રધાન શહબાઝ શરીફના મંત્રીમંડળને કાર્યવાહક રાષ્ટ્રપતિ સાદિક સંજરાનીએ મંગળવારે શપથ અપાવી દીધા છે.34 સદસ્યીય મંત્રીમંડળમાં 31 કેબિનેટ મંત્રી અને ત્રણ રાજ્ય મંત્રી સામેલ છે.
રાજદ્વારી પાસપોર્ટ જારી કરવાનો આદેશ
નવા વડાપ્રધાન શહબાજ શરીફની સરકારે પૂર્વ વડાપ્રધાન નવાઝ શરીફ માટે તત્કાલ રાજદ્વારી પાસપોર્ટ જારી કરવાનો આદેશ આપ્યો છે.કાનૂન મંત્રાલય નવાઝની વાપસી અને તેની પર ચાલી રહેલા કેસના મામલામાં જલ્દી જ સુપ્રીમ કોર્ટમાં પિટીશન દાખલ કરી શકે છે.જેમાં નવાઝને ખરાબ હેઠળના આધારે જેલ જવાથી રાહત માગવામાં આવશે.
2017થી ચાલી રહેલો ભ્રષ્ટાચારનો કેસ
પૂર્વ પીએમ નવાઝ શરીફ વિરુદ્ધ 2017માં સુપ્રીમ કોર્ટએ પનામા પેપર્સ મામલે પદથી હટાવ્યા ગયા બાદ ભ્રષ્ટાચારના કેટલાક મામલા શરૂ કરવામાં આવ્યા હતા.આ ભ્રષ્ટાચારના મામલે પૂર્વ વડાપ્રધાન ઈમરાન ખાનના નેતૃત્વવાળી સરકારએ લગાવ્યા હતા.ત્યાં વર્ષ 2019ના નવેમ્બરમાં લાહોર હાઈકોર્ટથી સારવાર માટે વિદેશ જવાની પરવાનગી મળવા પર તે લંડન રવાના થઈ ગયા હતા.ત્યારથી નવાઝ શરીફ લંડનમાં જ છે.ઈમરાન સરકારે પાકિસ્તાન લાવવા માટે તમામ પ્રયત્ન કર્યા, પરંતુ બ્રિટન સરકારે આ માટે મંજૂરી આપી નહીં, નવાઝની પાસે હેલ્થના આધારે કેટલાક કાનૂની વિકલ્પ ખૂલ્યા હતા.
