– અમેરિકા,ચીન અને સાઉદી અરેબિયાએ નેટ ઝીરોની જાહેરાત
– ગ્રીનહાઉસ ગેસ ઉત્સર્જનના મામલામાં ચીન અને અમેરિકા પછી ભારત વિશ્વમાં ત્રીજા ક્રમે
– નેટ ઝીરો કાર્બન ઉત્સર્જનને લઇ ભારત પર દબાણ વધ્યુ
ગ્રીનહાઉસ ગેસ ઉત્સર્જનના મામલામાં ચીન અને અમેરિકા પછી ભારત વિશ્વમાં ત્રીજા ક્રમે છે.યુ.એસ.,ચીન,સાઉદી અરેબિયા અને બ્રિટન સહિતના તમામ દેશોએ ગ્રીનહાઉસ ગેસના ઉત્સર્જનમાં ઘટાડો કરીને નેટ ઝીરો કાર્બન ઉત્સર્જનના લક્ષ્ય સુધી પહોંચવા માટે સમયમર્યાદા જાહેર કરી છે,તેથી ભારત પર પણ આવું કરવા દબાણ વધી રહ્યું છે.
અમેરિકા,ચીન અને સાઉદી અરેબિયાએ નેટ ઝીરોની જાહેરાત કરી છે
યુએસ,યુકે અને યુરોપિયન યુનિયને નેટ ઝીરોનું લક્ષ્ય હાંસલ કરવા માટે 2050ની સમયમર્યાદા નક્કી કરી છે.તે જ સમયે,ચીન અને સાઉદી અરેબિયાએ નેટ ઝીરો કાર્બન ઉત્સર્જન માટે 2060 સમયમર્યાદા નક્કી કરી છે.જોકે, ભારતે જળવાયુ પરિવર્તનના મુદ્દે આ સપ્તાહે શરૂ થનારી COP26 પરિષદ (કોન્ફરન્સ ઑફ પાર્ટીઝ) પહેલાં નેટ ઝીરો કાર્બન ઉત્સર્જનના લક્ષ્યની જાહેરાત કરવાનો ઇનકાર કર્યો છે.
નેટ ઝીરો ઉત્સર્જનનો અર્થ એ છે કે તમામ દેશો પર્યાવરણમાં જેટલા ગ્રીનહાઉસ વાયુઓનું ઉત્સર્જન કરે છે તેટલા તે જંગલો વધારીને અથવા અન્ય માધ્યમો દ્વારા ઘટાડી શકે છે.ગ્રીનહાઉસ વાયુઓના ઉત્સર્જનને કારણે પૃથ્વીનું તાપમાન સતત વધી રહ્યું છે, જે સમગ્ર વિશ્વ માટે ચિંતાનો વિષય છે.COP-26 સંમેલન સ્કટલેન્ડની રાજધાની ગ્લાસગોમાં 31 ઓક્ટોબરથી શરૂ થશે અને 13 દિવસ સુધી ચાલશે.આ સંમેલનમાં અમેરિકાના રાષ્ટ્રપતિ જો બાઇડન પણ શામેલ થશે. PM મોદી હાજર રહેશે.
નેટ ઝીરો કાર્બન એમિશનના ટાર્ગેટ પર શું કહ્યુ પર્યાવરણ મંત્રીએ ?
ભારતના પર્યાવરણ મંત્રી ભૂપેન્દ્ર યાદવે કહ્યુ કે નેટ ઝીરો ટાર્ગેટનું એલાન કરવાથી જળવાયુ પરિવર્તનની સમસ્યા હલ નહી થાય.એ જોવુ પણ જરૂરી છે કે નેટ ઝીરો કાર્બન ઉત્સર્જનન લક્ષ્ય સુધી પહોંચવા માટે વાતાવરણમાં કાર્બનમાં કેટલો વધારો થયો છે.
ક્લાઈમેટ ચેન્જ પર પેરિસ કરાર છ વર્ષ પહેલા હસ્તાક્ષર કરવામાં આવ્યા હતા.
ગ્લાસગોનો સૌથી મહત્વપૂર્ણ એજન્ડા પેરિસ કરારના નિયમો માટે માળખું તૈયાર કરવાનો છે.નોંધનીય છે કે વર્ષ 2015માં આ કરાર પર ક્લાઈમેટ ચેન્જને લઈને હસ્તાક્ષર કરવામાં આવ્યા હતા.આ કરારનો હેતુ કાર્બન વાયુઓના ઉત્સર્જનને ઘટાડીને પૃથ્વીના વધતા તાપમાનને રોકવાનો છે.આ પછી, વિશ્વના દેશોએ પોતપોતાના લક્ષ્યો નક્કી કર્યા હતા.દરેક દેશે એ પણ જણાવવું પડશે કે તે ક્યારે નેટ ઝીરો કાર્બન ઉત્સર્જનનું લક્ષ્ય હાંસલ કરશે.
