ઢાકા,નવી દિલ્હી, 26 માર્ચ : બાંગ્લાદેશના અગ્રણી અખબાર ‘ધ ડેઇલી સ્ટાર’ માં ભારતના પ્રધાનમંત્રી નરેન્દ્ર મોદી નો એક લેખ છાપવામાં આવ્યો હતો જેમાં તેમણે બંગબંધુ શેખ મુજીબુર રહેમાનને યાદ કર્યા હતા.સાથે જ કહ્યું હતું કે,બાંગ્લાદેશના સુવર્ણ ભવિષ્યમાં ભારત હંમેશા તેમનું ભાગીદાર રહેશે.
મોદીએ લખ્યું છે કે, ભારત હંમેશા બાંગ્લાદેશ નું સાથી રહેશે અને અમે સંયુક્ત રીતે સુવર્ણ ભવિષ્ય તરફ આગળ વધી રહ્યા છીએ,જેના માટે બંગબંધુ અને હજારો ક્રાંતિકારીઓએ પોતાનું બલિદાન આપ્યું.વડા પ્રધાન નરેન્દ્ર મોદી બે દિવસીય બાંગ્લાદેશ પ્રવાસ પર છે.દેશની આઝાદીના 50 વર્ષ પૂરા થવા નિમિત્તે તેઓ ઉજવણીમાં ભાગ લેવા અહીં આવ્યા છે. “નેબરહુડ ફર્સ્ટ પોલિસી” વિશે વાત કરતાં તેમણે કહ્યું કે,પડોશીની સારી સમજથી ભારત અને બાંગ્લાદેશ જટિલ મુદ્દાઓને સૌમ્યતાથી હલ કરી શકે છે.આપણી જમીન અને સમુદ્ર સરહદો એક સાથે ઉભી છે.
માનવ પ્રયત્નોના લગભગ તમામ પાસાઓને આવરી લેવા માટે આપણું પૂરતું સહયોગ છે.
અમારો વેપાર ઐતિહાસિક સ્તર ની સપાટીએ પહોંચી ગયો છે.અમે એકબીજાની આર્થિક પ્રવૃત્તિઓમાં એકબીજાને ટેકો આપ્યો છે.વડા પ્રધાને એવા ભાવિની ઇચ્છા કરી છે કે,જ્યાં બંને દેશોના યુવાધન,નવીનતા બનાવવા માટે પોતાની શક્તિ વાપરી શકે.
