ગાંધીનગર : ગુજરાતમાં કોરોના કેસોની સંખ્યામાં એકાંતરે જોવા મળતી વધઘટનો સિલસિલો મંગળવારે જારી રહ્યો હતો.સોમવારે નોંધાયેલાં ૩૫૧ કેસની સરખામણીએ મંગળવારે સંક્રમિતોની સંખ્યા ૧૨૫ વધીને ૪૭૫ થઈ છે.સાથોસાથ એક્ટિવ કેસની સંખ્યામાં ૨૪ કલાકમાં ૨૨૭ કેસના વધારા સાથે રાજ્યભરમાં કોરોનાના કુલ કેસ ૨૭૯૩ થઈ છે.જોકે,૨૪૮ દર્દી કોરોનાને મ્હાત આપીને સાજા થયા છે.કોરોનાના સંક્રમણથી એક પણ દર્દીનું મૃત્યુ થયું નથી.અમદાવાદમાં સોમવારના ૧૫૫ કેસની સરખામણીએ મંગળવારે શહેરમાં ૨૧૧ અને ગ્રામ્યના પાંચ મળી કુલ ૨૧૬ કેસ નોંધાયા છે.અમદાવાદ બાદ કોરોનાના કેસોમાં બીજા ક્રમે રહેલા સુરત શહેરમાં ૭૬ અને જિલ્લામાં ત્રણ કેસ નોંધાયા છે.
છેલ્લા ચોવીસ કલાકમાં નોંધાયેલા નવા ૨૭૯૩ એક્ટિવ કેસમાં અમદાવાદ સિવાયના અન્ય મહાનગરોની સ્થિતિ જોઇએ તો વડોદરા શહેરમાં ધીમે ધીમે દર્દીઓની સંખ્યા વધી રહી છે.મંગળવારે શહેરમાં ૩૫ અને જિલ્લામાં ૧૨ કેસ નોંધાયા છે.ગાંધીનગરમાં કુલ ૧૭,વલસાડમાં ૧૧,જામનગરમાં એક જ દિવસમાં આંકડો ૨૨ કેસ સાથે આંકડો ડબલ ફીગરમાં પહોંચ્યો છે.મહેસાણામાં ૧૪ જ્યારે નવસારીમાં પણ ૧૨ કેસ નોંધાયા છે.અમરેલીમાં ૧૦,ગાંધીનગરમાં કુલ ૧૬,કચ્છમાં ૮,ભરૂચ અને વલસાડમાં ૭-૭,રાજકોટમાં કુલ ૮,બનાસકાંઠા, ખેડા અને દેવભૂમી દ્વારકામાં ૪-૪,આણંદ અને ભાવનગરમાં ૩-૩,પાટણ,ગીર સોમનાથ મહિસાગર,સાબરકાંઠા,પંચમહાલ અને સુરેન્દ્રનગરમાં નવા એક-એક કેસ નોંધાયા છે.
છેલ્લા ચોવીસ કલાકમાં ૨૪૮ દર્દી ડિસ્ચાર્જ થયા છે અને રિકવરી રેટ ૯૮ ટકા રહ્યો છે.રાજ્યના ૩૩ જિલ્લામાંથી માત્ર ૧૨ જિલ્લા જ કોરોનાના સંક્રમણથી મુક્ત રહ્યા છે.કેન્દ્રીય આરોગ્ય મંત્રાલયે કોરોનાને કાબુમાં લેવા માટે તમામ રાજ્યોને કોરોના પ્રોટોકોલનું ચુસ્ત પાલન અને વેક્સિનેશન પ્રક્રિયા વધુ સઘન બનાવવા તાકીદ કરી છે.મંગળવારે નોંધાયેલા ૨૭૯૩ એક્ટિવ કેસમાં તમામ દર્દીની સ્થિતિ સ્ટેબલ છે જ્યારે એક પણ દર્દી વેન્ટિલેટર પર નથી.રાજ્યમાં અત્યાર સુધીમાં કોરોનાના કુલ ૧૨,૧૭,૨૧૫ દર્દી ડિસ્ચાર્જ થયા છે જ્યારે અત્યાર સુધીમાં કોરોનાને કારણે ૧૦,૯૪૬ દર્દીનાં મૃત્યુ થયા છે.
