– સુરતમાં ગુનાખોરી ડામવા માટે પોલીસ દ્વારા સરપ્રાઈઝ કોમ્બિંગની કાર્યવાહી
– ત્રણ હત્યાઓને પગલે પોલીસના ઠેર-ઠેર દરોડા
અમરોલીના કોસાડના વેદાંત ટેક્ષોમાં આવેલા એમ્બ્રોઈડરીના કારખાનામાં માલિક પિતા પુત્ર અને મામાના ચકચારિત ત્રિપલ મર્ડર કેસમાં અમરોલી પોલીસ દ્વારા આરોપી આશિષ રાઉતને રિમાન્ડ માટે ચીફ કોર્ટમાં રજુ કરાયો હતો. આરોપી ખુબ જ ઝનુની સ્વભાવનો હોય સત્ય હકીકત જણાવતો ન હોય અમરોલી પોલીસે ૫ દિવસના રિમાન્ડની માગણી કરી હતી.કોર્ટે આરોપી આશિષ રાઉતના ૩ દિવસના રિમાન્ડ મંજુર કર્યા છે.જ્યારે બાળ આરોપીને જુવેનાઈલ હોમમાં મોકલી અપાયો હતો.
સુરતના અમરોલી વિસ્તારમાં ત્રિપલ મર્ડરની ઘટનાથી ગુજરાતમાં ચકચાર મચી જવા પામી હતી.તરફ આ ઘટના બાદ સુરત પોલીસ એક્શન મોડમાં આવી હતી.પોલીસ દ્વારા 9 થી 12 કોમ્બીંગ હાથ ધરવામાં આવ્યુ હતું.આ ઉપરાંત સુરત અમરોલી વિસ્તારમાં ત્રિપલ મર્ડરનીજેમાં પોલીસના ઉચ્ચઅધિકારીઓ સાથે 2500 જેટલા પોલીસ કર્મચારીઓની ટીમ બનાવી કોમ્બિંગની કામગીરી હાથ ધરવામાં આવ્યું હતું.અલગ અલગ ઝોન વિસ્તારમાં ક્રાઈમ.હોટ સ્પોટ તેમજ સંવેદનશીલ વિસ્તારો આઈડેન્ટીફાય કરી તેવા વિસ્તારોમાં ખુલ્લામાં છરી,ચાકુ જેવા ઘાતક હથીયારો લઈને ફરતા ઈસમો તેમજ ગુનાહિત ઇતિહાસ ધરાવતા ઈસમો સામે કાર્યવાહી કરાઇ હતી.આ ઉપરાંત આગામી સમયમાં આવી રહેલી થર્ટી ફસ્ટને લઈને પણ સુરતમાં બીજી ચુસ્ત વાહન ચેકિંગ સહિતની કામગીરી કરવામાં આવી રહી છે.
અમરોલી વિસ્તારમાં એમ્બ્રોઈડરી કારખાનાના માલિક સહિત ત્રણના મર્ડરની ઘટનામાં હત્યા કરનાર કારીગરોને પોલીસે પકડીતો લીધા પરંતુ આ સમગ્ર ઘટનાનો આક્રોશ વેપારીઓમાં દેખાઇ રહ્યો છે.જેને લઇને સુરત અંજની ઇન્ડસ્ટ્રીયલ એસ્ટેટ દ્વારા 24 કલાકના બંધનું એલાન આપ્યું છે.બુધવારે અસામાજિક તત્વો સામેના રોષ અને આ ઘટનાને લઇને અંજનીઇન્ડસ્ટ્રી સાથે ગોથાણ,કોસાડ અને અમરોલીના વેપારીઓ પણ જોડાશે.બુધવારે સૌપ્રથમ અંજની સહિતના ઔધોગિક એકમો મૌન પાળી મૃતક વેપારીઓની આત્માની શાંતિ માટે પ્રાર્થના કરશે અને અસામાજિક તત્વો તેમજ ઘટનાના વિરોધમાં 24 કલાક સુધી ઉદ્યોગ બંધ રાખવામાં આવશે.માત્ર અંજની ઇન્ડસ્ટ્રી નહિ પરંતુ કોસાડ,અમરોલી તેમજ ગોથાણના ઔધોગિક એકમો પણ આ 24 કલાકનો બંધમાં સહકાર આપશે.આગળના કાર્યક્રમો માટે ફરી એક વખત મિટિંગ મળશે અને આગળ શું કરવું તે બાબત ચર્ચા કરશે.
