– NDTVએ ગૌતમ અદાણી દ્વારા કંપનીના આ બળજબરીથી ટેકઓવર સામે સેબીમાં અરજી કરી છે.એનડીટીવીએ જણાવ્યું છે કે શેર ટ્રાન્સફર કરતાં પહેલા રેગ્યુલેટરની પૂર્વ મંજૂરી જરૂરી છે.એનડીટીવીનું કહેવું છે કે સેબીએ એનડીટીવીના ફાઉન્ડર્સે 2 વર્ષ માટે શેરની ડીલ કરવા પર પ્રતિબંધ મૂક્યો હતો.
નવી દિલ્હી : વિશ્વના 10 સૌથી ધનિક ઉદ્યોગપતિઓમાંના એક ગૌતમ અદાણીની કંપની બળજબરીપૂવર્ક એનડીટીવી કબજે કરવાના પ્રયાસમાં હોવાનું જણાવતાં દેશના અગ્રણી મીડિયા જૂથ NDTVએ સેબીની મદદ માગી છે. NDTVના પ્રમોટરે VCPLને જારી કરાયેલા વોરંટના રૂપાંતર અંગે માર્કેટ રેગ્યુલેટર સેબીની સ્પષ્ટતા માંગી છે.નવી દિલ્હી ટેલિવિઝન લિમિટેડ અને આરઆરપીઆર હોલ્ડિંગ્સ લિમિટેડે વોરંટના મુદ્દે જાણવા માંગે છે કે નવેમ્બર 2020માં SEBIના આદેશ પછી NDTV પ્રણય રાય અને રાધિકા રાયના પ્રમોટર્સ પર બે વર્ષ માટે શેરબજારમાં ટ્રેડિંગ પર પ્રતિબંધ મૂકવામાં આવ્યો હતો.શું આ નિયમ હેઠળ VCPLને મંજૂર કરાયેલા શેરનું ટ્રેડિંગ કે વેચાણ થઈ શકે છે.અગાઉ એવા અહેવાલો આવ્યા હતા કે શેરબજારના નિયમનકારે આંતરિક ચર્ચા કર્યા બાદ નિર્ણય લીધો હતો કે RRPR અદાણી જૂથને શેર ફાળવી શકે છે.જે NDTVની પ્રમોટર કંપની છે. 23 ઓગસ્ટે ઇન્ફ્રાસ્ટ્રક્ચર ક્ષેત્રની દિગ્ગજ અદાણીએ NDTVમાં 29.8 ટકા હિસ્સો હસ્તગત કર્યો હોવાની જાહેરાત કરી હતી.
એનડીટીવી ટેકઓવર કરવા ઓપન ઓફર લાવવાની જાહેરાત
અદાણી ગ્રુપે વિશ્વ પ્રધાન કોમર્શિયલ પ્રાઈવેટ લિમિટેડમાં હિસ્સો ખરીદીને NDTVમાં પ્રવેશ કર્યો હતો.વિશ્વ પ્રધાન કોમર્શિયલ પ્રાઇવેટ લિમિટેડ RRPR ના કન્વર્ટિબલ ડિબેન્ચર્સ ધરાવે છે.આ પછી અદાણી જૂથે એનડીટીવીને ટેકઓવર કરવા માટે શેરબજારમાંથી 26% હિસ્સો ખરીદવાની ઓપન ઓફર લાવવાની જાહેરાત કરી હતી.
NDTVએ ગૌતમ અદાણી દ્વારા કંપનીના આ બળજબરીથી ટેકઓવર સામે સેબીમાં અરજી કરી છે.એનડીટીવીએ જણાવ્યું છે કે શેર ટ્રાન્સફર કરતા પહેલા રેગ્યુલેટરની પૂર્વ મંજૂરી જરૂરી છે.એનડીટીવીનું કહેવું છે કે સેબીએ એનડીટીવીના ફાઉન્ડર્સ પર 2 વર્ષ માટે શેરની ડીલ કરવા પર પ્રતિબંધ મૂક્યો છે,જેના કારણે કંપનીના શેર ટ્રાન્સફર કરવા માટે સેબીની મંજૂરી જરૂરી છે.
અદાણી ગ્રુપે આ મામલે કહ્યું છે કે આમાં સેબીના નિયમોનું કોઈ ઉલ્લંઘન થયું નથી.એનડીટીવીના પ્રમોટર્સ આ મામલામાં હસ્તક્ષેપ કરવા સેબી પાસેથી બિનજરૂરી માગણી કરી રહ્યા છે. VCPL એ ₹404 કરોડની લોન સામે 2010માં NDTVના ડિબેન્ચર્સ હસ્તગત કર્યા હતા.એક્વિઝિશન નોટિસ મુજબ, NDTVએ 25 ઓગસ્ટ સુધીમાં VCPLને શેર ફાળવવાનું હતું,પરંતુ આ સમયગાળા સુધી NDTVના શેર વિશ્વ પ્રધાનને ફાળવવામાં આવ્યા ન હતા.
