– ગોતા વિસ્તારમાં દીવા હાઇટ્સમાં રહેતા પોલીસકર્મી કુલદીપસિંહ યાદવે પત્ની અને બાળકી સાથે અગમ્ય કારણોસર આ પગલું ભર્યું હતું.તે વસ્ત્રાપુર પોલીસ સ્ટેશનમાં ફરજ બજાવતાં હતાં
અમદાવાદ : પોલિસ કર્મચારી કુલદીપસિંહે પોતાના નાની બાળકી અને પત્ની સાથે 12માં માળેથી કુદીને આપઘાત કર્યો હતો.પોલીસકર્મીના આપઘાત કરવા પાછળ કયું કારણ છે એ હજી સુધી જાણી શકાયું નથી.પોલીસનો કાફલો હાલ ઘટનાસ્થળે પહોંચીને તપાસ કરી રહ્યો છે.આપઘાત કરનાર પોલીસકર્મી અને તેના પરિવારનું હાલમાં પોસ્ટમોર્ટમ ચાલી રહ્યું છે.ત્રણ વર્ષની બાળકી આકાંક્ષી,પત્ની રિદ્ધિબેન અને પોલીસકર્મી કુલદીપસિંહ યાદવે મોડી રાત્રે દોઢ વાગે 12મા માળેથી ઝંપલાવીને આપઘાત કર્યો હતો.કુલદીપસિંહનાં બહેન તેમની નજીકમાં જ રહે છે.આપઘાત પાછળનાં કારણો જાણવા તજવીજ શરૂ કરાઈ છે.પોલીસે વધુ તપાસ હાથ ધરી છે.
વસ્ત્રાપુર પોલીસ સ્ટેશનમાં ફરજ બજાવતો હતો અમદાવાદ પોલીસ કંટ્રોલ રૂમને આ બનાવની જાણ થતાં સોલા પોલીસ સ્ટેશનના સિનિયર અધિકારીઓ ઘટનાસ્થળે દોડી ગયા હતા.પોલીસ પરિવારની સામૂહિક હત્યાનો આ પહેલો બનાવ જોવા મળી રહ્યો છે.કુલદીપસિંહ અને તેમના પત્નીએ આ પ્રકારનું અંતિમ પગલું કેમ ભર્યું તેની તપાસ પોલીસે હાથ ધરી છે.હાલમાં સોલા સિવિલ હોસ્પિટલ ખાતે પોસ્ટમોર્ટમની કાર્યવાહી ચાલુ છે.આ ઘટનાના ઘેરા પ્રત્યાઘાત પોલીસ બેડામાં પડ્યા છે.તેઓ વસ્ત્રાપુર પોલીસ સ્ટેશનમાં ફરજ નિભાવતા હતાંપરિવાર સાથે કર્યો આપઘાત કુલદીપસિંહના બનેવી સોલા પોલીસ સ્ટેશનમાં ફરજ બજાવે છે પોલીસકર્મી કુલદીપસિંહ ભાવનગરના સિહોરના વતની હતા અને તેમનાં પત્ની સિહોરની બાજુમાં આવેલા વડિયાનાં રહેવાસી હતાં.તેમના જાણીતા લોકોનું કહેવું છે કે કુલદીપસિંહ સ્વભાવે અત્યંત શાંત અને સરળ વ્યક્તિ હતા,આ પ્રકારનું અંતિમ પગલું કેમ ભર્યું એ હજી સમજાતું નથી.તેમના પડોશમાં જ તેમનાં બહેન રહે છે,કુલદીપસિંહના બનેવી સોલા પોલીસ સ્ટેશનમાં ફરજ બજાવે છે.તેમને પણ અંદાજ નહોતો કે કુલદીપસિંહ અને તેમનાં પત્ની આવું પગલું ભરશે.
ગુજરાત પોલીસ ગ્રેડ પેની માગણીનો ઉલ્લેખ કરી અંતિમ લખાણ લખ્યુ હતુ કે, પોલીસનો ગ્રેડ પે વધે એ મારી છેલ્લી ઈચ્છા છે.સાથે જ કુલદીપસિંહ યાદવે IPS અધિકારીઓ પર પણ ગંભીર આક્ષેપ કર્યા હતા.તેઓએ એવું પણ લખ્યું હતું કે, IPS અધિકારીઓ ખૂબ જ રુપિયા ખાય છે.એ લોકો જ પગાર વધારવા દેતા નથી.તો પોલીસનું કહેવું છે કે, કુલદીપસિંહનો મોબાઈલ ફોન હાલ લોક છે.પરંતુ તેઓએ તેમના મિત્રને જે અંતિમ લખાણ મોકલ્યુ હતુ તે હાલ બધી જગ્યાએ વાયરલ થઈ રહ્યું છે.હાલ તો પોલીસ આ મામલે તમામ લોકોની પૂછપરછ કરી રહી છે અને આગળની તજવીજ હાથ ધરી છે.
IPS અધિકારીઓ પર ગંભીર આક્ષેપ
શહેરના ગોતા વિસ્તારમાં આવેલી દિયા હાઈટ્સમાં રહેતા અને વસ્ત્રાપુર પોલીસ સ્ટેશનમાં એકાઉન્ટ વિભાગમાં ફરજ બજાવતા કોન્સ્ટેબલ કુલદીપસિંહ યાદવે તેમની પત્ની પત્ની રિદ્ધીબેન અને ત્રણ વર્ષની દીકરી આકાંક્ષી સાથે ફ્લેટના 10મા માળેથી ઝંપલાવીને સામૂહિક આપઘાત કરી લીધો હતો.ત્યારે આ ઘટના બાદ પોલીસબેડામાં પણ ખળભળાટ મચી ગયો છે.મૃતકોના પરિવારમાં પણ ભારે શોક જોવા મળી રહ્યો છે.ત્યારે મૃતક કુલદીપસિંહ યાદવનું અંતિમ લખાણ સામે આવ્યું છે.આપઘાત કરતા પહેલાં તેઓએ પોતાના પરિવારજનો અને મિત્રોને કેટલાંક સલાહ સૂચનો આપ્યા હતા.સાથે જ તેઓએ IPS અધિકારીઓ પર પણ ગંભીર આક્ષેપો કરીને ગ્રેડ પે મુદ્દાનો ઉલ્લેખ કર્યો હતો.તેઓનું અંતિમ લખાણ હાલ વાયરલ થઈ રહ્યું છે.કુલદીપસિંહે યાદવે પોતાના અંતિમ લખાણમાં એવું જણાવ્યું હતું કે, તેમની અંતિમ ઈચ્છા છે કે પોલીસનો ગ્રેડ પે વધે. IPS અધિકારીઓ ખૂબ જ રુપિયા ખાય છે અને પગાર વધારવા દેતા નથી.ત્યારે આવા પ્રકારના ગંભીર આક્ષેપો બાદ પોલીસબેડામાં પણ ખળભળાટ મચી ગયો છે.
પોલીસનો ગ્રેડ પે વધે એવી અંતિમ ઈચ્છા
જો કે, કુલદીપસિંહ યાદવે જે અંતિમ લખાણ લખ્યું હતું એ ખરેખર ખૂબ જ સંવેદનશીલ છે.પોતાના અંતિમ લખાણમાં કુલદીપસિંહ યાદવે પોતાની લાગણીઓ વ્યક્ત કરી હતી.સાથે જ પોલીસકર્મીઓનું ભવિષ્ય સારી રીતે પસાર થાય એવી ઈચ્છા પણ વ્યક્ત કરી હતી. સાથે જ IPS અધિકારીઓ વિરુદ્ધ ગંભીર આક્ષેપો કર્યા છે.ત્યારે જો આ મામલે તપાસ થાય તો મોટા ખુલાસા થઈ શકે છે.તેઓએ પોતાના અંતિમ લખાણમાં જે વાત કરી છે એ વાંચીને ભલભલાની આંખમાં પાણી જાય એવું છે.જો કે, તેમનું અંતિમ લખાણ અહીં મૂકી શકાય એમ નથી.પણ તેઓની અંતિમ ઈચ્છા છે કે પોલીસકર્મીઓનો ગ્રેડ પે વધે.
