ગઈકાલે રાત્રે તેમની કાર ગુજરાતના આણંદ શહેર નજીક પલટી ગઈ હતી.આ માર્ગ અકસ્માતમાં તે ઈજાગ્રસ્ત થયા છે.ભારતની અગ્રણી ડેરી કોઓપરેટિવ સોસાયટી જીસીએમએમએફ (Amul))ના મેનેજિંગ ડિરેક્ટર આર.એસ.સોઢી અકસ્માતનો ભોગ બન્યા છે.ગઈકાલે રાત્રે તેમની કાર ગુજરાતના આણંદ શહેર નજીક પલટી ગઈ હતી.આ માર્ગ અકસ્માતમાં તે ઈજાગ્રસ્ત થયા છે.જો કે,તેમને હોસ્પિટલમાં દાખલ કરવામાં આવ્યા હતા.હાલ તે ખતરાની બહાર છે.પોલીસે આ માહિતી આપી હતી.
નાયબ પોલીસ અધિક્ષક બી.ડી.જાડેજાએ જણાવ્યું હતું કે આ ઘટના રાત્રે 9 વાગ્યાની આસપાસ બની હતી,જ્યારે આરએસ સોઢીની કાર આણંદ-બાકરોલ રોડ પર ડિવાઈડર સાથે અથડાઈને પલટી ગઈ હતી. તેઓ જે કારમાં મુસાફરી કરી રહ્યા હતા તે સફેદ રંગની હતી.તેની તસવીર સામે આવી છે.તમે જોઈ શકો છો કે તે કેવી રીતે સાવ ઊંધી પડી છે.અકસ્માત અંગે પોલીસ અધિકારીએ જણાવ્યું હતું કે,”કોઈ અગમ્ય કારણોસર કારના ડ્રાઈવરે વાહન પરનો કાબૂ ગુમાવ્યો હતો,જેના કારણે આ અકસ્માત સર્જાયો હતો.”અકસ્માતની જાણ થતાં જ સ્થાનિક લોકો ત્યાં દોડી આવ્યા હતા.તેઓ કાર ચાલક અને સોઢીને હોસ્પિટલ લઈ ગયા.બંને હવે ખતરાથી બહાર છે અને ડોક્ટરોનું કહેવું છે કે તેમને નાની મોટી ઈજાઓ થઈ છે.
