પંજાબ પોલીસે જણાવ્યું હતું કે ખાલિસ્તાની અલગતાવાદી અને કટ્ટરપંથી જૂથ વારિસ પંજાબ દેના નેતા અમૃતપાલ સિંહે સોમવારે તેના કપડાં અને એક ત્યજી દેવાયેલી કાર મળી આવ્યા બાદ સરહદો ઓળંગી હશે.પંજાબ પોલીસે અમૃતપાલ સિંહના કપડાં, બ્રેઝા કાર અને કેટલાક હથિયારો જપ્ત કર્યા છે.અમૃતપાલ અને તેના સાથીઓને ભાગવામાં કથિત રીતે મદદ કરનારા લોકોની પોલીસે અટકાયત કરી છે.પોલીસે વધુમાં જણાવ્યું હતું કે અમૃતપાલ સિંહ મર્સિડીઝમાંથી ઉતરીને બ્રેઝામાં શાહકોટ ભાગી ગયો હતો.તેઓએ એવો પણ દાવો કર્યો હતો કે સિંઘે તેના કપડા બદલ્યા હતા અને કદાચ તેના એક સહાયકની મોટરબાઈક પર પંજાબથી ભાગી ગયો હતો.
અમૃતપાલ સિંહ અને તેના સહયોગીઓ સામે કરવામાં આવી રહેલી કાર્યવાહી અંગે ટિપ્પણી કરતા પંજાબના સીએમ ભગવંત માને કહ્યું કે રાજ્યની શાંતિ અને સૌહાર્દને બગાડવાનો પ્રયાસ કરી રહેલા તત્વોને કડક સજા કરવામાં આવશે.માને કહ્યું, છેલ્લા કેટલાક દિવસોમાં કેટલાક તત્વો વિદેશી શક્તિઓની મદદથી પંજાબના વાતાવરણને બગાડવાની વાત કરી રહ્યા હતા અને નફરતભર્યા ભાષણો આપી રહ્યા હતા.તેમની સામે કાર્યવાહી કરવામાં આવી છે અને તેમની ધરપકડ કરવામાં આવી છે અને તેમને કડક સજા કરવામાં આવશે.
દરમિયાન, અમૃતપાલ સિંહના પિતા પંજાબ અને હરિયાણા હાઈકોર્ટમાં પહોંચ્યા છે અને એક અરજીમાં દાવો કર્યો છે કે તેમના પુત્રને જાલંધરના શાહકોટ વિસ્તારમાંથી ગેરકાયદેસર અને બળજબરીથી અટકાયતમાં રાખવામાં આવ્યો છે.અરજીની સુનાવણી ચાર દિવસ માટે મુલતવી રાખવામાં આવી છે.કોર્ટે કહ્યું, જો તે ભાગી ગયો હોય તો આ ગુપ્તચર તંત્રની નિષ્ફળતા છે.અમૃતસર જિલ્લામાં અજનાલા સબ-ડિવિઝન જેવા વિસ્તારોમાં મોબાઇલ ઇન્ટરનેટ સેવાઓ સ્થગિત રહેશે.તરન તારણ,ફિરોઝપુર,મોગા અને સંગરુર જિલ્લાઓ અને SAS નગર જિલ્લામાં એરપોર્ટ રોડ અને YPS ચોકને અડીને આવેલા વિસ્તારો 21 માર્ચથી 23 માર્ચ સુધી સેવાઓ બંધ રાખવામાં આવશે.
પંજાબ પોલીસના આઈજી સુખચૈન સિંઘ ગીલે કહ્યું કે પોલીસને આઈએસઆઈનો હાથ હોવાની અને વારિસ પંજાબ દેને વિદેશી ભંડોળની મજબૂત શંકા છે.ગિલે કહ્યું,કે અમને પણ વિદેશી ભંડોળ ઇન્વોલ્વ્ડ હોવાની ખૂબ જ મજબૂત શંકા છે.સંજોગો જોતાં એવું લાગે છે કે ISI સામેલ છે અને વિદેશી ફંડિંગ પણ છે.વરિષ્ઠ અધિકારીએ વધુમાં જણાવ્યું હતું કે અમૃતપાલ ખાનગી આર્મી આનંદપુર ખાલસા ફોજ અથવા AKF બનાવી રહ્યો હતો અને સમગ્ર પંજાબમાં અસ્થિરતા ફેલાવાનો પ્રયાસ કરી રહ્યો હતો.
