પિટ્સબર્ગ, તા. ૧૭ : અમેરિકાના રાજ્ય પેન્સિલવેનિયાના પિટ્સબર્ગમાં ચાલી રહેલી એક પાર્ટીમાં રવિવારે વહેલી સવારે થયેલા ગોળીબારમાં બે લોકોનાં મોત થયા હતાં અને અન્ય ૧૧ લોકો ઘાયલ થા હતાં તેમ પોલીસે એક નિવેદનમાં જણાવ્યું છે.પિટ્સબર્ગ પોલીસે એક નિવેદનમાં જણાવ્યું છે કે શહેરના નોર્થ સાઇડમાં આવેલ એરબીએનબી પ્રોપર્ટીમાં ચાલી રહેલી પાર્ટીમાં ગોળીબાર કરવામાં આવ્યો હતો.આ પાર્ટીમાં ૨૦૦ વધુ લોકો હાજર હતાં.પોલીસના જણાવ્યા અનુસાર જ્યારે પોલીસ અધિકારીઓ ઘટના સ્થળે પહોંચ્યા ત્યારે લોકોમાં અફરાતફરી દોડી રહ્યાં હતાં.કેટલાક લોકો બારીમાંથી કૂદી રહ્યાં હતાં.અનેક ઘાયલ લોકોને હોસ્પિટલમાં લઇ જવામાં આવ્યા હતાં.પોલીસના જણાવ્યા અનુસાર ગોળીબારમાં બે સગીર કિશોરોના મોત થયા છે.જો કે અત્યાર સુધી તેમની ઓળખ થઇ શકી નથી.પાર્ટી હોલમાં ઓછામાં ઓછો ૫૦ રાઉન્ડ ગોળીબાર કરવામાં આવ્યો હતો અને હોલની બહાર પણ આટલા જ રાઉન્ડ ગોળીબાર કરવામાં આવ્યો હતો.ઘટના સ્થળેથી રાઇફલ અને પિસ્તોલના ખાલી બોક્સ મળી આવ્યા હતાં.પોલીસ ઘટનાની તપાસ કરી રહી છે.આ દરમિયાન અમેરિકાના દક્ષિણ કેરોેલિનાના પાટનગર કોલંબિયામાં શનિવારે એક વ્યસ્ત મોલમાં થયેલ ગોળીબારની ઘટનાના સંદર્ભમાં પોલીસે ૨૨ વર્ષના શંકાસ્પદ યુવકની ધરપકડ કરી છે.ઉલ્લેખનીય છે ક ગોળીબારની આ ઘટનામા ૧૪ લોકો ઘાયલ થયા હતાં.કોલંબિયાના પોલીસ પ્રમુખ ડબ્લ્યુએચ સ્કિપ હોલબુ્રકે જણાવ્યું હતું કે શરૃઆતમાં અટકાયતમાં લેવાયેલા ત્રણ શંકાસ્પદોમાંથી એક હજુ પણ અટકાયતમાં છે અને તેના પર ગેરકાયદેસર રીતે પિસ્તોલ રાખવાનો આરોપ છે.
અમેરિકાના પિટ્સબર્ગમાં અંધાધૂંધ ગોળીબાર ઃ બેનાં મોત, ૧૧ ઘાયલ
