સ્ટોન સંસદીય તપાસમાં અવરોધ નાંખવાના બદલ દોષિ જાહેર
એજન્સી, વોશિંગ્ટન
અમેરિકાના રાષ્ટ્રપતિ ડોનાલ્ડ ટ્રમ્પના નજીકના રોજર સ્ટોનને એક કોર્ટે 40 મહિનાની સજા ફટકારી છે. સ્ટોનને સંસદીય તપાસમાં અવરોધ નાંખવા અને ખોટું બોલવા, સાક્ષીઓને પ્રભાવિત કરવા સહિત કેટલાક અન્ય કેસમાં દોષિ જાહેર કરવામાં આવ્યા છે. હાલ સ્ટોનને જેલ મોકલવામાં આવ્યા નથી. તે કોર્ટના ચુકાદાને ઉપલી કોર્ટમાં પડકારી શકે છે. અમેરિકાની કોંગ્રેસ 2016ની રાષ્ટ્રપતિ ચૂંટણીમાં રશિયાની દખલગીરી અને ટ્રમ્પની મદદ કરવાના આરોપોની તપાસ કરી રહી છે.
ડિસ્ટ્રિક્ટ કોર્ટના જસ્ટિસ એમી બર્મન જેક્સને ચુકાદો આપતા જણાવ્યું હતું કે, સત્ય હજુ જીવિત છે અને તેનું મહત્વ હંમેશા રહેશે. સ્ટોન પોતાને બચાવવા માટે ખોટું બોલ્યા. તેમને કારણે અમારા મૌલિક સંસ્થાનોને જોખમ છે. આ જ સંસ્થાન અમારી લોકશાહીના પાયા છે.
જસ્ટિસ એમી બર્મને જણાવ્યું હતું કે, સ્ટોને તાત્કાલિક જેલ મોકલવામાં આવશે નહીં. તેમની પાસે ઉપલી કોર્ટમાં અપીલ કરવાનો કાયદાકીય અધિકાર છે. હાલમાં જ ટ્રમ્પે પોતાના અન્ય એક સહયોગી પોલ મૈનફોર્ટને સજા આપવા મામલે જજ પર નિશાન સાધ્યું હતું. મૈનફોર્ટને પણ ખોટી રીતે લોબીઈંગ અને સાક્ષીઓને પ્રભાવિત કરવા મામલે દોષિ જાહેર કરવામાં આવ્યા હતા.
