– રાષ્ટ્રપતિ જો બાઈડને આ એરસ્ટ્રાઈકને મંજૂરી આપી હોવાના અહેવાલ
વોશિંગ્ટન, તા. 26 : અમેરિકાએ ગુરૂવારે સીરિયામાં એક હવાઈ હુમલો કર્યો હતો.બે અધિકારીઓએ આ હુમલાને ઈરાકમાં અમેરિકી અડ્ડાઓ પર રોકેટ વડે જે હુમલો થયો હતો તેની પ્રતિક્રિયા ગણાવ્યો હતો.જાણવા મળ્યા મુજબ અમેરિકાએ આ હવાઈ હુમલો ઈરાન સમર્થિત મિલિશિયાના અડ્ડાઓ પર કર્યો હતો.
એક અહેવાલ પ્રમાણે રાષ્ટ્રપતિ જો બાઈડને આ એરસ્ટ્રાઈકને મંજૂરી આપી હતી પરંતુ હજુ સુધી પેન્ટાગોને આ મામલે કોઈ નિવેદન નથી આપ્યું.તાજેતરમાં ઈરાક ખાતે રોકેટ વડે જે હુમલા કરવામાં આવેલા તેના જવાબમાં આ એરસ્ટ્રાઈક કરવામાં આવી છે.ઉલ્લેખનીય છે કે,છેલ્લા થોડા વર્ષોમાં અનેક વખત જવાબી અમેરિકી સૈન્ય હુમલા થયા છે.
2019ના અંતથી અમેરિકી સેનાઓ રોકેટ હુમલાના જવાબમાં ઈરાક અને સીરિયામાં કટિબ હિજબુલ્લાહ મિલિશિયા જૂથ વિરૂદ્ધ મોટા હુમલા કરી રહી છે.એરસ્ટ્રાઈક બાદ અમેરિકી સંરક્ષણ સચિવ લૉયડ ઑસ્ટિને કહ્યું કે, “હું આશ્વસ્ત છું કે જે ઠેકાણાઓ પર હુમલા કરવામાં આવ્યા તેનો ઉપયોગ હુમલો કરનારા શિયા આતંકવાદીઓ દ્વારા થઈ રહ્યો હતો.”
પેન્ટાગને જણાવ્યું કે હવાઈ હુમલા બોર્ડર કંટ્રોલ પોઈન્ટ પર ઈરાક સમર્થિક કાતબ હિજબુલ્લાહ અને કાતાબ સૈય્યદ અલ શુહાદાને ધ્યાનમાં રાખીને કરાયા હતા.પેન્ટાગનના પ્રવક્તા જ્હોન કિર્બીએ કહ્યું કે આ હુમલા ઈરાકમાં અમેરિકા અને ગઠબંધન સેનાઓ પર કરાયેલા હુમલાનો જવાબ છે.તેમણે કહ્યું કે જો જરૂર પડી તો અમેરિકા આગળ પણ આ પ્રકારની કાર્યવાહીને અંજામ આપતું રહેશે.
Air Strike એ આપ્યો સ્પષ્ટ સંદેશ
15 ફેબ્રુઆરીના રોજ કુર્દ વિસ્તારની રાજધાની આર્બિલમાં એક સૈન્ય ઠેકાણા પર રોકેટ હુમલો થયો હતો.જેમાં એક વિદેશી કોન્ટ્રાક્ટર અને નાગરિકનું મોત થયું હતું.આ સાથે જ અમેરિકાના સૈનિકો પણ ઈજાગ્રસ્ત થયા હતા.પેન્ટાગને કહ્યું કે મિલિશિયા પર કરાયેલા હવાઈ હુમલા સ્પષ્ટ સંદેશ છે કે રાષ્ટ્રપતિ જો બાઈડેન અમેરિકી અને ગઠબંધન સૈનિકોની રક્ષા માટે કઈ પણ કરશે.
