વોશિંગટન : અમેરિકામાં કોરોના વાયરસને કારણે પરિસ્થિતિ સતત વિકટ બની રહી છે. છેલ્લા 24 કલાકમાં યુએસમાં કોરોના વાયરસના 76 હજારથી વધુ નવા કેસ નોંધાયા છે,જે એક રેકોર્ડ છે.આ સાથે,અમેરિકામાં દર્દીઓની કુલ સંખ્યા 4 મિલિયન એટલે કે ચાર લાખ સુધી પહોંચી ગઈ છે,જે વિશ્વમાં સૌથી વધુ છે.
શરૂઆતમાં,યુ.એસ.માં ઘણા કેસો હતા અને મૃત્યુની સંખ્યા પણ ઝડપથી વધી રહી હતી. પરંતુ હવે અમેરિકામાં કોરોનાની બીજી તરંગ ચાલી રહી છે,જેમાં દરરોજ નવા કેસનો રેકોર્ડ તૂટી રહ્યો છે.છેલ્લા 24 કલાકમાં,અમેરિકામાં કોરોના વાયરસને કારણે 1225 લોકોનાં મોત થયાં છે.
જ્હોન હોપકિન્સ યુનિવર્સિટીના જણાવ્યા અનુસાર યુ.એસ.માં હવે કેસની કુલ સંખ્યા 40 લાખ 35 હજારની નજીક છે,જ્યારે મૃત્યુઆંક 1.5 લાખની નજીક જઇ રહ્યો છે.યુ.એસ.માં છેલ્લા કેટલાક દિવસોથી દરરોજ 65 હજારથી વધુ કેસ નોંધાય છે.અમેરિકાના રાષ્ટ્રપતિ ડોનાલ્ડ ટ્રમ્પે તેની પાછળનું મુખ્ય કારણ વધુ ટેસ્ટિંગ (પરીક્ષણ) ગણાવ્યું છે.
