વોશિંગ્ટન, તા.14 એપ્રિલ 2020, મંગળવાર
– લોકડાઉન વચ્ચે પણ ભારત અને અમેરિકાએ મહત્વની ગણાતી ડિફેન્સ ડીલ પર કાર્યવાહી ચાલુ રાખી છે.
અમેરિકાના રાષ્ટ્રપતિ ડોનાલ્ડ ટ્રમ્પની સરકારે સંસદને જાણકારી આપતા કહ્યુ હતુ કે,ભારતને અમેરિકા 15 કરોડ ડોલરના હારપૂન મિસાઈલ્સ અને હળવા વજનના ટોરપીડો પૂરા પાડશે.હારપૂન મિસાઈલ્સ અને ટોરપિડોનો ઉપયોગ નૌસેના દ્વારા કરવામાં આવશે.
સંસદને આપેલી માહિતીમાં જણાવાયુ હતુ કે, AGM-84Lહારપૂન બ્લોક 2 પ્રકારના 10 મિસાઈલની કિંમત 9 કરોડ ડોલર અને હળવા વજનના 54 એક્સરસાઈઝ ટોરપીડોની કિંમત લગભગ 6 કરોડ ડોલર છે.ભારત દ્વારા આ હથિયારોની માંણી કરવામાં આવી હતી. જેથી તે પોતાનુ સુરક્ષા વધારી શકે. ભારત હળવા વજનના ટોરપીડોથી પોતાની નૌસેનાના જાસૂસી વિમાન પી-81ને સજજ કરવા માંગે છે.અમેરિકાના કહેવા પ્રમાણે આ ડીલ અમેરિકા અને ભારતના સબંધો વધારે મજબૂત કરવા માટેનુ એક પગલુ છે.જે ઈન્ડિયન પેસિફિક રિજનમાં શાંતિ,સ્થિરતા માટે જરુરી છે.
