વોશિંગ્ટન : તા. 03 જૂન 2022 શુક્રવાર : અમેરિકી વિદેશી વિભાગે આંતરરાષ્ટ્રીય ધાર્મિક સ્વતંત્રતા પર સંસદને સોંપવામાં આવેલા પોતાના વાર્ષિક રિપોર્ટમાં આરોપ લગાવ્યો છે કે ભારતમાં 2021માં લઘુમતી સમુદાયોના સદસ્યો પર આખુ વર્ષ હુમલા થયા જેમાં હત્યાઓ અને ધમકાવવાની ઘટના પણ સામેલ છે.વિદેશ વિભાગે ફૉગી બોટમ મુખ્યાલયમાં વિદેશ મંત્રી એન્ટની બ્લિંકન દ્વારા જારી કરવામાં આવેલો રિપોર્ટ સમગ્ર દુનિયામાં ધાર્મિક સ્વતંત્રતાની સ્થિતિના ઉલ્લંઘન માટે પોતાનો દ્રષ્ટિકોણ આપે છે અને આમાં પ્રત્યેક દેશ પર અલગ-અલગ અધ્યાય છે.ભારતે પહેલા અમેરિકી ધાર્મિક સ્વતંત્રતા રિપોર્ટને એ કહેતા ફગાવી દીધો હતો કે તેને કોઈ વિદેશી સરકાર દ્વારા પોતાના નાગરિકોના બંધારણીય રીતે સંરક્ષિત અધિકારો વિશે બોલવાનો કોઈ અધિકાર નથી.રિપોર્ટનો ભારત ખંડ ધાર્મિક લઘુમતીની સ્થિતિ પર કોઈ મત આપવાથી બચે છે,પરંતુ આના વિભિન્ન પાસાઓનુ દસ્તાવેજીકરણ કરે છે જેવુ કે ભારતીય પ્રેસ અને ભારત સરકારના રિપોર્ટમાં છપાયેલુ છે.
આ રિપોર્ટ વિભિન્ન બિન-લાભકારી સંગઠનો અને લઘુમતી સંસ્થાનો દ્વારા તેમની પર હુમલાના આરોપોને પણ ઉદારતાપૂર્વક ટાંકે છે પરંતુ મોટાભાગનો સમય અધિકારીઓ દ્વારા કરવામાં આવી રહેલી તપાસના પરિણામો,સરકારની પ્રતિક્રિયાઓ પર ચૂપ રહે છે.રિપોર્ટના ભારત ખંડમા કહેવામાં આવ્યુ,ધાર્મિક લઘુમતી સમુદાયોના સદસ્યો પર હુમલા,મારામારી અને ડરાવવા-ધમકાવવા સહિત,આખુ વર્ષ થતા રહ્યા.આમાં ગૌહત્યા કે ગૌમાંસના વેપારના આરોપોના આધારે બિન-હિંદુઓ સામે ગૌ સતર્કતાની ઘટનાઓ સામેલ હતી.
