કાનપુરઃ અત્યારે સમગ્ર દેશમાં લોકડાઉન ચાલી રહ્યું છે.ત્યારે લોકો પોતાના ઘરોમાં બંધ છે.આવી સ્થિતિમાં કેટલીક અનઈચ્છનીય ઘટનાઓ પણ પ્રકાશમાં આવતી હોય છે. ત્યારે આવી જ એક ઘટના ઉત્તર પ્રદેશના કાનપુરમાં સામે આવી છે.જ્યાં પોતાના મિત્રની સાથે પત્નીને કઢંગી હાલતમાં જોઈ ગયા બાદ ગુસ્સે ભરાયેલા પતિએ પત્નીનું ચપ્પા વડે નાક કાપી લીધી હતું.
મળતી માહિતી પ્રમાણે નવાબગંજ પોલીસ સ્ટેશન વિસ્તારમાં રવિવારે સવારે ઉંઘમાંથી જાગેલા પતિએ પત્નીને દોસ્ત સાથે આપત્તિજનક હાલતમમાં જોઈ ગયો હતો.જોકે પતિને જોઈને દોસ્ત ભાગી ગયો હતો પરંતુ ગુસ્સે ભરાયેલા પતિએ પત્નીને માર માર્યા બાદ ચપ્પા વડે હુમલો કરી નાક કાપી નાંખ્યું હતું. ઝઘડાનો અવાજ સાંભળીને પડોશીઓ આવી પહોંચ્યા હતા અને પત્નીને હોસ્પિટલ પહોંચાડી હતી.
પોલીસના જણાવ્યા પ્રમાણે મજૂરના પરિવામાં મા,પિતા,પત્ની અને બે બાળકો છે.પતિની સાથે કામ કરતા મિત્રનું છાસવારે ઘરે આવવા જવાનું રહેતું હતું.રવિવારે જ્યારે પતિની ઉંઘ ઉડી તો અવાજ આવતા ઘરના બહારના રૂમમાં આવ્યો હતો.જ્યાં પત્ની અને તેનો મિત્ર રંગરેલિયા મનાવતા આપત્તિજનક હાલતમાં જોઈ ગયો હતો.જેના પગલે તે ગુસ્સે ભરાયો હતો.અને પત્નીને મારવા લાગ્યો હતો.
પતિ પત્નીની લડાઈ વચ્ચે દોસ્ત ત્યાંથી ફરાર થયો હતો.ત્યારબાદ પતિએ પત્નીને માર મારતા ચપ્પુ વડે હુમલો કર્યો હતો.અને ચપ્પા વડે પત્નીનું નાક કાપવાનો પ્રયત્ન કર્યો જેનાથી પત્ની લોહીલુહાણ થઈ ગઈ હતી.અવાજ સાંભળીને પાડોશીઓ દોડી આવ્યા હતા.અને પત્નીને બચાવીને હોસ્પિટલ ખસેડાઈ હતી.પ્રભારી રમાકાંત પચૌરીએ જણાવ્યું હતું કે યુવકની પત્ની સાથે દોસ્તના કારણે વિવાદ થયો હતો.જેના પગલે તેણે પત્ની ઉપર ચપ્પુ વડે હુમલો કર્યો હતો.ચપ્પુ નાક ઉપર વાગવાથી તે ઈજાગ્રસ્ત થઈ હતી.પત્ની તરફથી ફરિયાદ ન મળવાના કારણે આરોપી પતિ ઉપર શાંતિભંગનું દંડ વસૂલવામાં આવ્યો હતો.
