મુંબઈ: અશ્લીલ ફિલ્મો બનાવવાનો અને કેટલીક એપ્સ દ્વારા તેમને પ્રસારિત કરવાનો આરોપમાં ફસાયેલા બોલીવુડ અભિનેત્રી શિલ્પા શેટ્ટીનો પતિ અને ઉદ્યોગપતિ રાજ કુંદ્રાની મુશ્કેલીઓ વધી રહી છે.આ કેસના તળિયે પહોંચવા માટે મુંબઇ ક્રાઈમ બ્રાંચ ઝડપથી તેની તપાસ આગળ ધપાવી રહી છે.મુંબઈ ક્રાઈમ બ્રાંચની નજર રાજ કુંદ્રા-શિલ્પા શેટ્ટીના સંયુક્ત બેંક ખાતા પર છે.ક્રાઈમ બ્રાંચના સૂત્રોના જણાવ્યા અનુસાર વિદેશથી જુદા જુદા રૂટ દ્વારા આ ખાતામાં ઘણી વાર પૈસા ટ્રાન્સફર કરવામાં આવ્યા છે, જેમાં આફ્રિકા અને લંડનના નામ શામેલ છે.
ક્રાઇમ બ્રાંચ આ ખાતાની તપાસ કરી રહી છે અને તેમાં ફોરેન્સિક નિષ્ણાતોની મદદ લેવામાં આવી રહી છે.ક્રાઈમ બ્રાંચના સૂત્રોના જણાવ્યા મુજબ વિદેશથી આ સંયુક્ત ખાતામાં વિવિધ માર્ગોથી ટ્રાન્સફર કરેલા નાણાંની માહિતી આવકવેરાથી છુપાઇ છે અને આ તેમની શંકા પાછળનું સૌથી મોટું કારણ છે.
ક્રાઈમ બ્રાંચ સામે રાજ કુંદ્રાના કર્મચારીઓએ ખુલાસો કર્યો હતો કે પોર્ન રેકેટ દ્વારા કમાયેલા કરોડો રૂપિયા પહેલા લંડન અને ત્યારબાદ અન્ય માર્ગો દ્વારા રાજ કુંદ્રા સુધી પહોંચાડવામાં આવતા હતા.રાજ કુંદ્રાની ગુપ્ત આલમારીના બોક્સમાંથી મળી આવેલા 51 વીડિયોની તપાસમાં ક્રાઈમ બ્રાંચની ટીમ સામેલ છે.તે દસ્તાવેજોની તપાસ કરવામાં આવી રહી છે, જે આ આલમારીમાંથી મળી આવી છે.
આપને જણાવી દઈએ કે, રાજ કુંદ્રાને 20 જુલાઈએ જ મુંબઈ ક્રાઈમ બ્રાંચે ધરપકડ કરી હતી.રાજ કુંદ્રા પર અશ્લીલ ફિલ્મો બનાવવા અને પ્રકાશિત કરવામાં સામેલ હોવાનો આરોપ છે.સમાચાર એજન્સી એએનઆઈ અનુસાર,મુંબઈ પોલીસ કમિશનરે આ કેસમાં કહ્યું કે તે મુખ્ય કાવતરું કરનાર હોવાનું જણાય છે,અમારી પાસે આ વિશે પૂરતા પુરાવા છે.
