નવી દિલ્હી, તા : આ વર્ષથી આવકવેરા વિભાગે ફોર્મ 26AS માં મોટો ફેરફાર કર્યો છે.હવે આ ફોર્મમાં કરદાતાઓને તેમના દ્વારા કરવામાં આવેલી બધા પ્રકારની નાણાકીય લેણ-દેણની જાણકારી આપવામાં આવશે.આ ફોર્મ સ્વૈચ્છિક પાલન તથા આવકવેરા રિટર્નને ઇલેકટ્રોનિક રૂપમાં જમા કરાવવામાં સરળતા લાવશે.ફોર્મ 26AS વાર્ષિક ઈન્ટિગ્રેટેડનું સરવૈયુ છે.
આવકવેરો ભરનાર પોતાના પરમિનેન્ટ એકાઉન્ટ નંબર (પાન) દ્વારા આવકવેરા વિભાગની વેબસાઇટ દ્વારા તેના પર પહોંચી શકે છે.આ પહેલા ફોર્મ 26AS માં કોઈ એક પાનના સ્ત્રોતમાં ઘટાડો અને સ્ત્રોત પર કર સંગ્રહ સિવાય કંઇક વધારાની સૂચના જેમ કે અન્ય કરોની ચુકવણી,રિફંડ અને ટીડીએસ ડીફોલ્ડની જાણકારી હતી.
સીબીડીટીએ કહ્યું કે, વિભાગને નાણાકીય વર્ષ ૨૦૧૫-૧૬થી બચત ખાતામાં જમા-ઉપાડ, અચલ સંપતિઓનું ખરીદ-વેચજાણ,ક્રેડિટ કાર્ડ ચુકવણી,શેરોની ખરીદી, ડિબેન્ચર,વિદેશી મુદ્રા,મ્યૂચઅલ ફંડ,વસ્તુઓ અને સેવાઓ માટે રોકડ ચુકવણી વગેરેની જાણકારી બેન્કો,મ્યૂચઅલ ફંડ કંપનીઓ,બોન્ડ જારી કરનારી સંસ્થાઓ અને રજિસ્ટ્રાર્સ પાસેથી મળી રહી છે.વિભાગે કહ્યું કે,હવે આ બધી સૂચનાઓ નવા ફોર્મ ૨૬એએમસમાં ઉપલબ્ધ રહેશે.સીબીડીટીએ કહ્યું કે,વિશેષ નાણાકીય લેતી-દેતીના લેખા જોખા (એસએફટી) સાથે સંબંધિત આ સૂચનાઓ હવે ફોર્મ ૨૬એએસના ભાગ ઈમાં જોવા મળશે. તેનાથી સ્વૈચ્છિક પાલન,કર જવાબદારી અને ઈ-રિટર્ન દાખલ કરવામાં સરળતા ઉપલબ્ધ થઈ શકશે.
CBDT પ્રમાણે આ કરદાતાનું વાર્ષિક ટેકસ સ્ટેટમેન્ટ છે.કરદાતા પોતાના પાન નંબરની મદદથી તેને આવકવેરા વિભાગની સાઇટ પરથી કાઢી શકે છે.જો કોઈએ પોતાની આવક પર ટેકસ ચુકવ્યો છે અથવા કોઈને થયેલી આવક પર કોઈ વ્યકિત/સંસ્થાએ ટેકસ કાપ્યો છે તો તેનો ઉલ્લેખ પણ કરદાતાને ફોર્મ 26AS માં મળી જાય છે.
ફોર્મ ૨૬ખ્લ્ને ટ્રેસેસની વેબસાઇટ પરથી ડાઉનલોડ કરી શકો છો. ફોર્મ 26AS ને ડાઉનલોડ કરવા માટે ઇનકમ ટેકસ ફાઇલિંગની વેબસાઇટ પર લોગ ઇન કરો.માય એકાઉન્ટ સેકશનમાં વ્યૂ ફોર્મ 26AS (ટેકસ ક્રેડિટ) ટેબ પર કિલક કરો.ત્યારબાદ ટ્રેસેસની વેબસાઇટ પર પહોંચી જશો.અહીં એસેસમેન્ટ વર્ષ દાખલ કર્યા બાદ સ્ટેટમેન્ટ ડાઉનલોડ કરી શકો છો. કરદાતાનો જન્મદિવસ ફોર્મ 26AS ખોલવા માટે પાસવર્ડની જેમ ઉપયોગ થાય છે.
