સાપુતારા : આહવા જિલ્લા પંચાયતની મળેલ સામન્ય સભામાં વર્ષ 2021-22નું 368,29,98991 (368 કરોડ 29 લાખ 98 હજાર) નું વિકાસ લક્ષી અંદાજ પત્ર સર્વાનુમતે મંજુર કરવામાં આવ્યું છે.સામાન્ય સભામાં ગત બજેટમાં મંજૂર 4 સબવાહીની ની ગ્રાન્ટ પરત જતા આરોગ્ય અધિકારી સામે આક્રોશ ઠાલવવામાં આવ્યો હતો.
જિલ્લા પંચાયત આહવાના પ્રમુખ મંગળ ગાવીત કોરોના સંક્રમિત હોય તેમની ગેરહાજરીમાં ઉપપ્રમુખ નિર્મળાબેન જગ્યાભાઈ ગામીતનાં અધ્યક્ષ સ્થાને સામાન્ય સભા મળી હતી.જેમાં 2020નું સુધારેલ અને 2021-22નું રૂપિયા 368,29,98991નું વાર્ષિક અંદાજપત્ર સર્વાનુમતે મંજુર કરવામાં આવ્યું હતું,જેમાં શિક્ષણ,ખેતી અને પશુપાલન,આરોગ્ય તેમજ બાંધકામના વિકાસ લક્ષી કામો આવરી લેવામાં આવ્યા છે. 90 % ડુંગરાળ અને વનાચ્છાદી પ્રદેશ એવા ડાંગ જિલ્લાને કરવેરા કે ખનીજ ઉત્પાદનની કોઈ આવક નથી છતાં જિલ્લાનું સ્વંભડોળ રૂપિયા 21,20,72,591 છે જ્યારે સરકારી આવક રૂપિયા 327,72,60,400 મળી 368,29,98991 રૂપિયાનું બજેટ મંજુર કરવામાં આવ્યું છે.સામાન્ય સભામાં ગત બજેટમાં મંજુર કરેલ 3 તાલુકા માટેની 4 સબવાહીની ની ગ્રાન્ટ પરત જતા પંચાયતના સભ્ય હરીશ બચ્છાવે આરોગ્ય અધિકારી સામે પોતાનો આક્રોશ ઠાલવ્યો હતો. સામન્ય સભાના એજન્ડા મુજબ આજરોજ સમિતિની રચના કરવાની હતી જે પ્રમુખની ગેરહાજરીને કારણે મુલતવી રાખી આગામી દિવસોમાં ખાસ સભા બોલાવી સમિતિ રચવામાં આવશે.
