નફ્તાલી બેનેટે રવિવારના ઇઝરાઇલના પ્રધાનમંત્રી પદના શપથ લીધા. આ સાથે 12 વર્ષથી પ્રધાનમંત્રી પદ પર બિરાજેલા બેન્ઝામિન નેતન્યાહૂનો કાર્યકાળ પૂર્ણ થઈ ગયો છે.સંસદમાં બહુમત મેળવ્યા બાદ દક્ષિણપંથી યામિના પાર્ટીના 49 વર્ષિય નેતા અને પૂર્વ કમાન્ડર રહેલા બેનેટે રવિવારના શપથ લીધા.નફ્તાલીએ વર્ષ 2005માં પોતાનું ટેક સ્ટાર્ટઅપ 14.5 અબજ ડૉલરમાં વેચ્યા બાદ રાજનીતિમાં એન્ટ્રી લીધી.આ પહેલા ઇઝરાઇલની 120 સદસ્યોવાળી સંસદ ‘નેસેટ’માં 60 સભ્યોએ પક્ષમાં અને 59 સભ્યોએ વિરોધમાં મતદાન કર્યું.આ દરમિયાન એક સભ્ય ગેરહાજર રહ્યો.
અલગ-અલગ વિચારધારાની પાર્ટીઓનું ગઠબંધન
નવી સરકારમાં 27 મંત્રી છે,જેમાંથી 9 મહિનાઓ છે.નવી સરકાર માટે અલગ-અલગ વિચારધારાની પાર્ટીઓએ ગઠબંધન કર્યું છે.આમાં દક્ષિણપંથી,વામ,મધ્યમાર્ગીની સાથે અરબ સમુદાયનું પ્રતિનિધિત્વ કરનારી એક પાર્ટી પણ છે.યેશ એતિદ પાર્ટીના મિકી લેવીને સંસદના સ્પીકર પસંદ કરવામાં આવ્યા છે.તેમના પક્ષમાં 67 સભ્યોએ મતદાન કર્યું.આ પહેલા બેનેટે સંસદમાં સંબોધન દરમિયાન પોતાની સરકારના મંત્રીઓના નામની જાહેરાત કરી અને આ દરમિયાન 71 વર્ષના નેતન્યાહૂના સમર્થકોએ રોડા પણ નાંખ્યા.
ઈરાનને પરમાણુ હથિયાર બનાવવાની ક્ષમતા મેળવવા નહીં દઈએ
પ્રતિદ્વંદ્વી પાર્ટીના સાંસદોના હોબાળા વચ્ચે બેનેટે કહ્યું કે, તેમને ગર્વ છે કે અલગ-અલગ વિચારવાળા લોકોની સાથે કામ કરશે. બેને કહ્યું કે, ‘આ નિર્ણાયક સમયે અમે આ જવાબદારી ઊઠાવી રહ્યા છીએ.આ સરકાર ઉપરાંત દેશ સામે બસ એક જ વિકલ્પ હતો કે વધુ ચૂંટણી કરાવવામાં આવે.આનાથી વધારે નફરત ફેલાત અને દેશ પર અસર પડત.’ લિકુડ પાર્ટીના સભ્યોએ તેમના સંબોધન દરમિયાન ભારે હોબાળો મચાવ્યો અને તેને ગુનેગાર અને જૂઠા ગણાવ્યા.પોતાના સંબોધનમાં બેનેટ એ પણ કહ્યું કે, ઇઝરાઇલ ક્યારેય પણ ઈરાનને પરમાણુ હથિયાર બનાવવાની ક્ષમતા મેળવવા નહીં દે.
