અમદાવાદ : ઈન્ડોનેશિયા અને મલેશિયાના હેકર્સે ભારત વિરુદ્ધ સાયબર વોર આરંભ્યુ હોય તેમ તમામ મુસ્લિમ દેશોને ભારત વિરુદ્ધ નૂપુર શર્માના મુદ્દે ઉશ્કેરવાનું શરૂ કર્યું હતું ત્યારે જ અમદાવાદ સાઇબર ક્રાઇમના તજજ્ઞોના ધ્યાને આવ્યું હતું કે ઇન્ડોનેશિયા અને મલેશિયાની કેટલીક સાઈટ ખામી ભરેલી છે તેથી તેમને મોટું નુકસાન થઈ શકે તેમ છે.સાઇબર ક્રાઇમના અધિકારીઓએ જાણે પથ્થરનો જવાબ ફૂલથી આપતા હોય તેમ આ બાબતે સરકારના માધ્યમથી મલેશિયાને ઇન્ડોનેશિયાની સરકારને જાણ કરી હતી.
આ બાબતે અમદાવાદ સાઇબર ક્રાઇમના ડીસીપી અમિત વસાવાએ જણાવ્યુ હતું કે,નૂપુર શર્માના પ્રકરણ બાદ મલેશિયા અને ઇન્ડોનેશિયાના હેકર દ્વારા વિશ્વના મોટા ભાગના મુસ્લિમ હેકરને ભારત વિરુદ્ધ ઉશ્કેરી એક સાઇબર વોરની ઘોષણા કરી હતી.તેથી ઘણી ભારતીય વેબસાટ્સ અને નેટવર્કને હેક કરવામાં આવ્યા હતા.સાઇબર ક્રાઇમે ઇન્ટર્ન અને એન્જિનિયરિંગના વિદ્યાર્થીઓના માર્ગદર્શન હેઠળ આવી ઇન્ડોનેશિયન 100 અને મલેશીયન 70 વેબસાઇટની ટેકનિકલ ખામીઓ અથવા બગ્સ એથિકલ હેકિંગ દ્વારા શોધી કાઢી હતી.
કેન્દ્ર સરકારની મદદથી તેમની સરકારને આ અંગે જાણ કરવામાં આવી છે.બીજી તરફ ભારત સરકારની 80 સરકારી વેબસાઇટને પણ સુરક્ષિત કરવા માટે જરુરી સૂચનો એનસીઆઇઆઇપીટીને રિપોર્ટ કર્યો હતો.બગ્સનો ઉપયોગ હેકર દ્વારા વેબસાઇટ નષ્ટ કરવા અથવા ડેટા ચોરી કરવા માટે થઇ શકે છે.આ બગ્સ દેશોની સરકારોની પરવાનગી લીધા બાદ મળી આવ્યા છે અને તેમને પ્રૂફ સાથે જાણ કરવામાં આવી છે.કેટલીક ભૂલો જટિલ હતી.
બગ્સવાળી વેબસાઇટ સરકારના ઘણા મહત્ત્વપૂર્ણ મંત્રાલયો,શૈક્ષણિક સંસ્થા,ઉદ્યોગ વગેરેને આવરી લે છે.જોકે હેકર ગ્રૂપ દ્વારા સાઇબર યુદ્ધ માટે મલેશિયન નેશનલ સાઇબર કોઓર્ડિનેશન એન્ડ કમાન્ડ સેન્ટર દ્વારા યોગદાન માટે આભાર વ્યક્ત કર્યો હતો.અમદાવાદ સાયબર ક્રાઇમની ટીમ ડ્રેગન ફોર્સ મલેશિયાના હેકર્સ અને ઇન્ડોનેશિયાના હેકર્સ બંનેની ઓળખ શોધવા માટે તેની ટેકનિકલ ક્ષમતાઓનો પણ ઉપયોગ કરી રહી છે.આઈપી એડ્રેસ જેવી વિગતો તેમની સામે વધુ કાનૂની કાર્યવાહી કરવા માટે ઈન્ટરપોલ સાથે સાઇબર ક્રાઇમે શેર કરી હતી.80 વેબસાઇટની ખામી અંગે PMOને જાણ કરાઈ સાઇબર ક્રાઇમની ટીમે 80થી વધુ ભારત સરકારની વેબસાઈટોમાં ઘણી નબળાઈઓ શોધી છે અને પીએમઓ હેઠળની નેશનલ ક્રિટિકલ ઈન્ફોર્મેશન ઈન્ફ્રાસ્ટ્રક્ચર પ્રોટેક્શન સેન્ટરને તેની જાણ કરી છે
