ઈઝરાયલ ખાતેના ચીની રાજદૂત ડુ વેઈ મૃત મળી આવ્યા : પોલીસ તપાસનો ધમધમાટ

યેરૂશલમઃ ઇઝરાયલમાં ચીનના રાજદૂત ડૂ વેઈ પોતાના ઘરમાં મૃત હાલતમાં મળી આવ્યા છે.ઈઝરાયલના વિદેશ મંત્રાલયે આ વાતની જાણકારી આપી છે. હાલ મોતના કારણ અંગે કોઈ ખુલાસો નથી થયો.ઈઝરાયલ પોલીસે કહ્યું તેઓ આ મામલે તપાસ કરી રહ્યા છે.૫૮ વર્ષના ડુ વેઈને કોરોના વાયરસ મહામારી વચ્ચે ફેબ્રુઆરીમાં રાજદૂત નિયુકત કરવામાં આવ્યા હતા ડુ વેઈએ પહેલા યૂક્રેનમાં ચીનના રાજદૂત તરીકે કામ કર્યું છે.તેમની પત્ની અને એક દિકરો પણ છે જે ઈઝરાયલમાં આ બનાવ સમયે નહોતા.ઈઝરાયલ અને ચીનના સારા સંબંધો છે.અમેરિકી વિદેશ મંત્રી માઈક પોમ્પિઓની ટીપ્પણીઓની તેમણે નિંદા કરી હતી.જેના બે દિવસ બાદ ચીનના રાજદૂતનું મોત થયું છે.જણાવવામાં આવી રહ્યું છે કે અમેરિકી વિદેશ મંત્રી માઈક પોમ્પિઓએ ઈઝરાયલમાં ચીની રોકાણની નિંદા કરી અને ચીન પર કોરોના વાયરસ પ્રકોપની જાણકારી છુપાવવાનો આરોપ લગાવ્યો હતો.