અમદાવાદ : દિગ્ગજ ગુજરાતી એક્ટર-ડાયરેક્ટર-પ્રોડ્યુસર જમનાદાસ મજેઠિયા હંમેશા હટકે પ્રોડક્શન વ્યૂઅર્સ સામે મૂકવા માટે જાણીતા છે.અત્યારે તેમની એક સિરિયલ વાગલે કી દુનિયા-નયી પીઢી નયે કિસ્સે ધૂમ મચાવી રહી છે અને તેની સાથે જ તેઓ તેમના હેટ્સ ઓફ પ્રોડક્શનના બેનર હેઠળ નવી સિરિયલ લઈને આવી રહ્યા છે.‘પુષ્પા ઈમ્પોસિબલ’એક સામાન્ય મહિલા જીંદગીના યુનિક પ્રોબ્લેમ દર્શકો સામે રજુ કરવા તૈયાર છે.જેમાં પુષ્પાબેન પટેલનું કિરદાર જાણીતી થિએટર અને ટેલિવિઝન આર્ટિસ્ટ કરુણા પાંડેએ ભજવ્યું છે.આજે જે.ડી.મજેઠિયા સહિત આ સિરિયલની સમગ્ર ટીમે અમદાવાદની મુલાકાત લીધી હતી અને તેમની આવનારી સિરિયલ વિશે માહિતી આપી હતી.ડેઈલી સોપ ‘પુષ્પા ઈમ્પોસિબલ’માં કરુણા પાંડેની સાથે નવીન પંડિતા,દર્શન ગુર્જર,દેશના દુગડ,ગરિમા પરિહાર અને ભક્તિ રાઠોડ પણ મહત્વના રોલમાં નજર આવશે.
મધ્યમ વર્ગની સ્ત્રી જેનો પતિ તેને છોડીને વિદેશ પહોંચી ગયો છે અને તેની પર ત્રણ બાળકોના ઉછેરની જવાબદારી છે અને તેની સર્વાઈવલની કહાની અને બાળકો સાથેના તેના સંબંધોને આ યુનિક વાર્તાથી રજુ કરવામાં આવશે.નવી જનરેશન અને જૂની પેઢીના પ્રશ્નો વચ્ચેનો ભેદ ઓછો કરવાનો પ્રયત્ન કરવા માટે જયારે તમારી મમ્મી જ તમારા ક્લાસમાં ભણવા આવે તો કેવી પરિસ્થિતિ સર્જાય?બસ,આવું જ કંઈક આ ઈમોશનલ અને સક્સેસિવ સ્ટોરીમાં દર્શકોને જોવા મળશે.ઈન્ટરવ્યુ દરમિયાન જે.ડી.મજેઠિયા તેમના ભૂતકાળને યાદ કરીને રડી પડયા હતા.તેઓ તેમની માતા અંગ્રેજી શીખે તેવું ઈચ્છતા હતા પરંતુ તેઓ તેમની માતાને ભણાવી શક્યા નહિ અને તેમણે કહ્યું હતું કે સિરિયલમાં એક માતાની કહાનીની સાથે એક મહિલાની પણ કહાની છે જે દરેક મુશ્કેલ પરિસ્થિતિનો હલ કેવી રીતે કાઢવો તે જાણે છે અને આગવી શૈલીથી દરેક પ્રોબ્લેમનું પોઝિટિવ સોલ્યુશન લાવે છે.
