નવી િદલ્હી : ઉત્તરપ્રદેશના ફતેહપુરના કલેક્ટર અપૂર્વા દુબે ચર્ચામાં છે.કલેક્ટર મેડમની ગાય બીમાર છે.ગાય બીમાર થયા બાદ સરકારી સ્તરથી આદેશ આપવામાં આવ્યા,જેમાં 7 ડોક્ટરોની એક ટીમ ગાયની સારવાર માટે લગાવવામાં આવી છે.ફતેહપુરમાં મુખ્ય મેડિકલ ઓફિસરના આદેશની કોપી સોશિયલ મીડિયા પર વાયરલ થઈ છે.આ આદેશપત્રમાં લખવામાં આવ્યું છે કે કલેક્ટર અપૂર્વા દુબેના નિવાસસ્થાન પર 7 ડોક્ટરો ડ્યુટી કરશે.ડોક્ટરોને સ્પષ્ટ કહેવામાં આવ્યં છે કે તેઓ સવાર-સાંજ ગાયની દેખભાળ કરશે.સાથે-સાથે ગાયનું સ્વાસ્થ્ય કેવું છે,તેની માહિતી ફોન પર ચીફ વેટરનરી ઓફિસરના કાર્યાલયે રોજ સાંજે 6 કલાક સુધી આપશે.આ આદેશમાં અલગ-અલગ દિવસ માટે જુદા-જુદા વેટરનરી ડોક્ટરોને ડ્યુટી સોંપાઈ છે.સોમવારે ડોક્ટર મનીષ અવસ્થી,મંગળવારે ભુવનેશ કુમાર,બુધવારે અનિલ કુમાર,ગુરુવારે અજયકુમાર ,શુક્રવારે શિવસ્વરુપ,શનિવારે પ્રદીપકુમાર અને રવિવારે અતુલ કુમાર ગાયની સાર-સંભાળ માટે ફરજ બજાવશે.જોકે,કલેક્ટર અપૂર્વા દુબેએ કહ્યું કે આ સમગ્ર મામલે મને કોઈ જાણકારી નથી.ટ્વીટરના માધ્યમથી મને માહિતી મળી છે.મામલામાં દોષિત અધિકારી વિરુદ્ધ કાર્યવાહી કરવામાં આવશે.અહીંયા નોંધવું રહ્યું કે અપૂર્વા દુબેના પતિ વિશાખ અય્યર કાનપુરમાં કલેક્ટર છે.
ઉત્તરપ્રદેશના ફતેહપુરના કલેક્ટરના ગાયની સંભાળ માટે 7 ડોક્ટરો તૈનાત
