અમદાવાદ : તા.16 જુલાઈ 2022,શનિવાર : માત્ર 16 વર્ષની ઉંમરનો બ્રિટિશ-બેલ્જિયન પાયલોટ મેક રૂથરફોર્ડ એકલપંડે વિશ્વની પરિક્રમા કરનારો સૌથી યુવાન વયનો પાયલોટ બનવા માટે નીકળી પડ્યો છે. ગત માર્ચ મહિનામાં તેણે નાનકડા વિમાનમાં પોતાની આ સફરની શરૂઆત કરી હતી.રવિવારના રોજ ગુજરાતમાં અમદાવાદ એરપોર્ટ પર તેનું સ્વાગત કરવામાં આવ્યું હતું રૂથરફોર્ડે ગત તા.23 માર્ચના રોજ બલ્ગેરિયન કેપિટલ સોફિયા ખાતેથી પોતાની આ સફરની શરૂઆત કરી હતી અને તે એકલપંડે વિશ્વની પરિક્રમા કરવા માટેનો ગિનીસ વર્લ્ડ રેકોર્ડ નોંધાવવાનું લક્ષ્ય ધરાવે છે.અત્યારે આ રેકોર્ડ 18 વર્ષીય ત્રાવીસ લુડલોના નામે બોલે છે જેણે ગત વર્ષે પોતાની હવાઈ પરિક્રમા પૂર્ણ કરી હતી.રૂથરફોર્ડ સિંગલ એન્જિન ધરાવતા શાર્ક એરો શાર્ક યુએલ પ્લેનમાં આ સફર માટે નીકળી પડ્યો છે.નવાઈની વાત એ છે કે,આ પ્લેનના ઉત્પાદક શાર્ક એરોએ રૂથરફોર્ડના આ અભિયાનને ખૂબ જ જોખમી ગણાવીને તેના પ્રોજેક્ટમાં પાર્ટનર બનવાની ના પાડી દીધેલી છે.
એકલપંડે પૃથ્વીની પ્રદક્ષિણા કરવા નીકળી પડેલા 16 વર્ષીય બ્રિટિશ પાયલોટનું અમદાવાદમાં સ્વાગત
