નવી દિલ્હી
એક્સિસ બેન્કે માર્ચ 2020ને અંતે પૂરા થયેલા ત્રિમાસિક ગાળામાં રૂ.1,387.78 કરોડની ખોટ કરી હતી.જેની સામે આગલા વર્ષના સમાન ગાળામાં રૂ.1,505.06 કરોડનો નફો કર્યો હતો.આ ગાળામાં બેન્કની આવક રૂ.20,219.57 કરોડની થઈ હતી જે આગલા વર્ષના સમાન ગાળામાં રૂ.18,324.31 કરોડની હતી.ચોથા ત્રિમાસિક ગાળામાં બેન્કે રૂ.7,730.02 કરોડની બેડ લોનની જોગવાઈ કરી હતી જે વર્ષ અગાઉ સમાન ગાળામાં રૂ.2,711.43 કરોડ હતી.જયારે બેન્કની કોન્સોલિડેશન ધોરણે ચોખ્ખી ખોટ રૂ.1,250.09 કરોડની રહી હતી જેની સામે આગલા વર્ષે સમાન ગાળામાં રૂ.1,677.90 કરોડનો નફો થયો હતો.બેન્કની ગ્રોસ એનપીએ ઘટીને 4.86 ટકા રહી હતી જે વર્ષ અગાઉ 5.26 ટકા હતી અને ગ્રોશ એનપીએ ઘટીને 1.56 ટકા રહી હતી જે વર્ષ અગાઉના સમાન ગાળામાં 2.06 ટકા હતી.
