– શ્રમિકોની અછત અને પરિવહન સુવિધાના અભાવે કાર્ગો અટકી પડયા : દિલ્હી એરપોર્ટ ઉપર જ ૩૦૦૦ થી ઇલેકટ્રોનિકસ, કન્ઝયુમર ડયુરેબલ સામાન અને વાહનના પાર્ટસ અટકી પડયા છે : જો લોકડાઉન લંબાશે તો કાર્ગો મુવમેન્ટ વધુ ૧૦-૧પ% ઘટશે
નવી દિલ્હી તા. ૧૧ : હવાઇ માર્ગ અને રેલ્વે દ્વારા માલવહન તથા બંદરો પર કાર્ગોની અવર જવર પર લોકડાઉનમાં કોઇ પ્રકારના પ્રતિબંધો નથી પણ મજૂરોની અછત અને પરિવહન સુવિધાઓના અભાવે એરપોર્ટો, બંદરો અને રેલ્વે સ્ટેશનો પર કાર્ગો અટકી પડયા છે.તેમાના માલિકો પોતાનો માલ ત્યાંથી ઉઠાવી નથી શકતા.આ સાથે જ જરૂરી અને બિન જરૂરી સામાન બાબતે અસ્પષ્ટતાના કારણે પણ કાર્ગોને ખાલી કરવામાં મુશ્કેલીઓ આવી રહી છે.એરપોર્ટો પરથી કાર્ગો ઉઠાવવામાં લાગતી વાર પર લેવાતા ડેમરેજ ચાર્જ માફ કરવા છતાં આયાતકારો તેને ઉપાડવામાં જલ્દબાજી નથી દેખાડતાં.
નાગરીક ઉડ્ડયન મંત્રાલયે ગયા મહીને માલ ઉપાડવામાં મોડું થાય તો લાગતા ડેમરેજ ને પ૦ ટકા માફ કરવાનો આદેશ આપ્યો હતો જેથી જરૂરી વસ્તુઓનો સપ્લાય સરળ બને.જો કે એકસાઇઝ ડયુટી વિભાગનું માનવુ છે કે આના લીધે આયાતકારો અને દલાલો દ્વારા પોતાની ખેપ ઉઠાવવામાં હતોત્સાહ થયા છે.એટલું જ નહીં બંદરો અને એરપોર્ટો પર કાર્ગોના ઢગલા થઇ ગયા છે.સુત્રોએ કહયું કે દિલ્હી એરપોર્ટ પર લગભગ ૩૦૦૦ ટન ઇલેકટ્રોનિકસ વાહન ઉત્પાદનમાં જરૂરી સ્પેરપાર્ટ તથા કન્ઝયુમર ડયુરેબલ્સ પડયા છે એક અધિકારીએ જણાવ્યા અનુસાર ટર્મીનલો પર મેડીકલ અને જરૂરી વસ્તુઓ સીવાયના બાકી કાર્ગોને નિપટાવવા મોટી સમસ્યા બની ગઇ છે ટ્રકો,ટ્રોલીઓ અને મજુરોની અછતના કારણે પણ આ માલ નથી ઉઠાવી શકાયો.તો ઉદ્યોગ સાથે સંકળાયેલા અધિકારીઓનૂં કહેવું છે કે દેશમાં ઔદ્યોગીક ઉત્પાદન ઘટવાથી બંદરો પર કાર્ગોની અવર જવરમાં છેલ્લા કેટલાક અઠવાડીયામાં પ૦ થી૬૦ ટકાનો ઘટાડો થયો છે.જો લોકડાઉન વધુ લંબાશે તો કાર્ગોની અવર જવરમાં વધુ ૧૦ થી ૧પ ટકાનો ઘટાડો થઇ શકે છે. આનાથી શીપીંગના ધંધાને અસર થઇ રહી છે એક ખાનગી બંદરના અધિકારીએ નામ જાહેર ન કરવાની શરતે કહ્યું કેબંદરો પર મોટાભાગનું કામ માણસો દ્વારા થાય છે. અને મજુરોની અછતથી મૂશ્કેલી થઇ રહી છે.વેઇટીંગ પીરીયડ ચારથી પાંચ દિવસનો થઇ ગયો છે. કોસ્ટલ કાર્ગોની અવર જવરને પણ અસર થઇ છે અને ફકત ૪૦ ટકા જહાજોજ ચાલી રહ્યા છે.
