અમદાવાદ,શુક્રવાર : ગોમતીપુર અને વટવામાં રહેતા ત્રણ મિત્રો હાથીજણ પાસેથી પસાર થતા હતા આ સમયે ડિવાઇડર સાથે મોપેડ અથડતાં એક યુવકનુ ઘટના સ્થળે જ મોત થયું હતું. મૃતક મૃતદેહને એલ.જી.હોસ્પિટલમાંથી પીએમ માટે સિવિલ હોસ્પિટલમાં લોડીંગ રિક્ષામાં લઇ જતા હતા મૃતકના પરિવારજનોએ રસ્તામાં રોકીને હોબાળો મચાવ્યો હતો.આ કેસની વિગત એવી છે કે વટવામાં સૈયદવાડી પાસે પ્લેટીનીયમ ખાતે રહેતા મોઇનખાન યુનુસખાન પઠાણ અને તેના મિત્રો તા.૪ના રોજ ખેડા નજીક સ્વિમિંગ પુલમાં ન્હાવા માટે ગયા હતા. ત્યાંથી પરત આવતી વખતે હાથીજણ પાસે જૂના જકાત નાકા પાસે મોઇને વાહનના સ્ટિયરીંગ પરનો કાબુ ગુમાવી બેસતા મોપેડ ડિવાઇડર સાથે અથડાયું હતું. જ્યાં મોઇનખાન પઠાણને માથા સહિત શરીરે ગંભીર ઇજા થતાં સ્થળ પર મોત થયું હતું. વિવેકાનદનગર પોલીસે ગુનો નોંધી યુવકને એલ.જી. હોસ્પિટલમોં લઇ જવાયો હતો.
ગોેમતીપુર વિસ્તારના કોગ્રેસના કોર્પોરેટર ઇકબાલ શેખના જણાવ્યા મુજબ મૃતક યુવકના મૃતદેહને એલ.જી.હોસ્પિટલથી પીએમ માટે મૃતદહેને લોડિંગ રિક્ષામાં સિવિલમાં લઇ જતા હતા,જ્યાં આ બનાવની જાણ થતાં કોર્પોરેટર અને મૃતકના પરિવારજનોએ ખોખરા વિસ્તારમાં અનુપમ સિનેમા પાસે લોડિંર રિક્ષા રોકી હતી અને કેમ ગરમીમાં આવા ખાનગી વાહનમાં લઇ જવામાં આવે છે તેમ પૂછતાં પોલીસે શબ વાહીની નહી હોવાનો લૂલો બચાવ કર્યો હતો.
