– ગયા અઠવાડિયે જ સુપ્રીમ કોર્ટમાં સુનાવણીનું જીવંત પ્રસારણ કરવાનો નિર્ણય લેવામાં આવ્યો હતો
નવી દિલ્હી, તા. 27 સપ્ટેમ્બર 2022, મંગળવાર : સુપ્રીમ કોર્ટ માટે આજે ઐતિહાસિક દિવસ છે.સુપ્રીમ કોર્ટે આજથી તેની બંધારણીય બેંચની કાર્યવાહીનું લાઈવ સ્ટ્રીમિંગ કર્યું હતું.પ્રથમ કેસ સેના Vs સેનાનું જીવંત પ્રસારણ કરવામાં આવ્યું છે.મુખ્ય ન્યાયાધીશ યુયુ લલિતની આગેવાની હેઠળની બેન્ચે કહ્યું કે, સુપ્રીમ કોર્ટ પાસે ટૂંક સમયમાં લાઈવ-સ્ટ્રીમ માટે પોતાનું પ્લેટફોર્મ હશે.સુપ્રીમ કોર્ટે આજે પ્રથમ વખત બંધારણીય બેંચની સુનાવણીનું જીવંત પ્રસારણ કર્યું હતું.હવે સામાન્ય લોકો પણ કોર્ટની સુનાવણી જોઈ શકશે.આજથી બંધારણીય કેસોનું જીવંત પ્રસારણ થશે. SC એ બંધારણીય બેંચ સમક્ષ કેસોની સુનાવણીનું જીવંત પ્રસારણ કરવાની વ્યવસ્થા કરી છે.આ કેસોમાં EWS આરક્ષણ,મહારાષ્ટ્ર શિવસેના વિવાદ,દિલ્હી-કેન્દ્ર વિવાદનો સમાવેશ થાય છે.ગયા અઠવાડિયે જ સુપ્રીમ કોર્ટમાં સુનાવણીનું લાઇવ સ્ટ્રીમિંગ કરવાનો નિર્ણય લેવામાં આવ્યો હતો.બંધારણીય બેંચના કેસના જીવંત પ્રસારણ માટે આ નિર્ણય લેવામાં આવ્યો હતો.હાલમાં બંધારણીય બાબતોનું જીવંત પ્રસારણ કરવાનો નિર્ણય લેવામાં આવ્યો છે. CJI U U લલિતની અધ્યક્ષતામાં ફુલ કોર્ટની બેઠકમાં આ નિર્ણય લેવામાં આવ્યો હતો.
આજથી માત્ર ચાર વર્ષ પહેલા 27 સપ્ટેમ્બર 2018ના રોજ તત્કાલિન ચીફ જસ્ટિસ દીપક મિશ્રાની અધ્યક્ષતાવાળી બેંચે બંધારણીય મહત્વની બાબતોમાં મહત્વપૂર્ણ કાર્યવાહીનું લાઈવ ટેલિકાસ્ટ અથવા વેબકાસ્ટ કરવાનો ઐતિહાસિક નિર્ણય આપ્યો હતો.બેન્ચે ચુકાદો આપતા કહ્યું હતું કે “સૂર્યપ્રકાશ શ્રેષ્ઠ જંતુનાશક છે”.
સોમવારે ભારતના મુખ્ય ન્યાયાધીશ ઉદય ઉમેશ લલિતની આગેવાની હેઠળની બેંચે જણાવ્યું હતું કે, યુટ્યુબનો ઉપયોગ કરવાને બદલે તેની કાર્યવાહીને લાઈવ-સ્ટ્રીમિંગ કરવા માટે શીર્ષ અદાલત પાસે ટૂંક સમયમાં તેનું પોતાનું પ્લેટફોર્મ હશે.અગાઉ માહિતી મળી હતી કે, સુપ્રીમ કોર્ટ યુટ્યુબ દ્વારા કાર્યવાહીને લાઈવ-સ્ટ્રીમ કરી શકે છે અને બાદમાં તેને તેના સર્વર પર હોસ્ટ કરી શકે છે.લોકો કોઈપણ મુશ્કેલી વિના તેમના સેલ ફોન,લેપટોપ અને કોમ્પ્યુટર પર
કાર્યવાહીને ઍક્સેસ કરી શકશે.
