નવી દિલ્હી : આગામી 18 જુલાઈએ યોજનારી રાષ્ટ્રપતિ પદની ચૂંટણી માટે એનડીએના ઉમેદવાર તરીકે ઓડિશાના મહિલા આદિવાસી નેતા દ્રૌપદી મુર્મુના નામની જાહેરાત કરાઈ છે.ભાજપના અધ્યક્ષ જે.પી. નડ્ડા દ્વારા મંગળવારે પક્ષના ટોચના નેતાઓ સાથેની ચર્ચા બાદ મુર્મુના નામની જાહેરાત કરાઈ હતી.બીજી તરફ વિપક્ષ દ્વારા સંયુક્ત રીતે રાષ્ટ્રપતિ પદના ઉમેદવાર તરીકે યશવંત સિંહાની પસંદગી કરવાની જાહેરાત કરાઈ છે.
મંગળવારે સાંજે ભાજપ સંસદીય બોર્ડની બેઠકમાં મુર્મુના નામ પર પસંદગીની મ્હોર મરાી હતી.આ બેઠકમાં વડાપ્રધાન નરેન્દ્ર મદી,ગૃહમંત્રી અમિત શાહ સહિતના પક્ષના ટોચના નેતાઓ હાજર રહ્યાં હતાં.64 વર્ષીય મુર્મુ ઝારખંડના રાજ્યપાલ તરીકે કાર્યરત રહી ચૂક્યાં છે.જો તેઓ ચૂંટાશે તો દેશના સર્વોચ્ચ બંધારણીય પદ પર ચૂંટાનારા પ્રથમ આદિવાસી મહિલા બનશે.ઝારખંડના 9માં રાજ્યપાલ પદે રહેલા દ્રૌપદી મુર્મુ ઓડિશાના મયૂરગંજના રહેવાસી છે.તેઓ ઓડિશાના જ રાયરંગપુરથી ધારાસભ્ય રહી ચૂક્યાં છે.તેઓ પહેલાં ઓડિયા નેતા છે જેમને રાજ્યપાલ બનાવવામાં આવ્યા હતા.આ પહેલાં ભાજપ-બીજેડી ગઠબંધન સરકારમાં વર્ષ 2002થી 2004 સુધી તેઓ મંત્રી પણ રહ્યાં.મુર્મુ ઝારખંડના પહેલાં આદિવાસી મહિલા રાજ્યપાલ પણ રહ્યાં છે.
