કડોદરાથી કારની દિકકીમાં વિદેશી દારૂ ભરી સુરત જતો એક ઝડપાયો

બારડોલી : મળતી માહિતી અનુસાર સુરત જિલ્લા લોકલ ક્રાઇમ બ્રાન્ચના એ.એસ.આઈ.અશ્વિનભાઈ ચીમનભાઈ તેમજ પો.કો.દીપકભાઈ બીપીનભાઈ નાઓને અંગત રાહે મળેલી બાતમી આધારેસુરત જિલ્લાના કડોદરા બીન્ડલ મિલની સામે વોચ ગોઠવી બાતમી મુજબની કાર GJ 05 JH 7669 ને અટકાવી તપાસ કરતા કારની દિક્કીમાંથી જુદી જુદી બ્રાન્ડની 125 નંગ વિદેશી દારૂ તેમજ બિયરની બોટલ મળી આવી હતી.પોલીસે કારચાલક પરેશભાઈ ભીખુભાઇ ચૌધરી (ઉ.વ.42 રહે.પર્વત પાટિયા સુરત ) ની અટકાયત કરી રૂ. 25,200 કિંમત વિદેશી દારૂ તેમજ 2.5ની કાર મળી 2,80,170 ની કિંમતનો મુદામાલ કબ્જે કરી વ્યારા ખાતેથી દારૂ પુરોપાડ નાર અવિનાશ ચૌધરી તેમજ દારૂ ભરાવનાર વિજય ચૌધરી બને રહે.લોટરવા તાં.વ્યારા જી.તાપી.ને વોન્ટેડ જાહેર કરી વધુ તપાસ હાથ ધરી હતી.