સુરત : જિલ્લાના પલસાણા તાલુકાનાં કડોદરા ચાર રસ્તાના એક કોમ્પ્લેક્સના ખૂણાના ભાગે દુકાનમાં મુકેલા ICICI બેંકના ATM રૂમમાં થોડા થોડા દિવસ પહેલા તસ્કરો આવ્યા અને ગેસ કટર થી બે મશીન પૈકી એક મશીનને કટરથી ભાગ કાપવાનો પ્રયત્ન કર્યો હતો જે સમયે કોઈક આવી ચઢતા તસ્કરો ગેસ કટરનો સમાન ત્યાં મૂકીને ભાગી છૂટ્યા હતા ઘટના બન્યાને 10 થી વધુ દિવસ વીતવા છતાં ATM એજન્સી કે બેંક મારફતે આજદિવસ સુધી આ ઘટના અંગે કોઈએ પોલીસ ફરિયાદ સુદ્ધા નોંધાવી નથી
મળતી માહિતી અનુસાર કડોદરા નગર પાલિકાની બાજુમાં આવેલ સ્વાગત કોમ્પલેક્ષમાં ICICI બેંકના બે ATM મશીન મુકવામાં આવ્યા છે જ્યાં અંદાજીત 10 દિવસ અગાઉ રાત્રી દરમિયાન તસ્કરો આવ્યા હતા અને ગેસ કટર દ્વારા મશીનને કાપવાનો પ્રયત્ન કર્યો હતો ATM મશીનને દોઢ ફૂટ જેટલું કાપી પણ નાખ્યું હતું પરંતુ એજ વખતે કોઈ આવી ચઢતા તસ્કરો ત્યાં જ ગેસનો બાટલો સહિતની સામગ્રી મૂકી ભાગી છૂટ્યા હતા બીજા દિવસે આસપાસના લોકોએ ઘટના અંગે નોંધ લઈ ગેસનો બાટલો સાઈડમાં મુક્યો પરંતુ નવાઈની વાત તો એ છે કે ઘટના બન્યાના 10 દિવસ વીતવા છતાં આજદિન સુધી ATM સંબંધિત બેંક કે એજન્સી દ્વારા કડોદરા પોliસ મથકમાં કોઈએ ઘટનાની જાણ સુધ્ધાં નથી કરી કે નથી કોઈ ફરિયાદ કરી જે બાબતે અનેક સવાલો ઉભા થયા છે
ATM રૂમમાં જાણે તસ્કરોમે ખુલ્લું આમંત્રણ : થોડા દિવસ અગાઉ જોળવા ખાતેના SBI ના ATM મશીનને ગેસ કટરથી કાપીને 22 લાખની તસ્કરી કરી ATM રૂમને આગ ચાંપી તસ્કરો ભાગી છૂટ્યા હતા એ ઘટના બાદ પણ ATM બાબતે એજન્સી કે બેંક જાણે તસ્કરોને ખુલ્લું આમંત્રણ આપતા હોય તેમ આ કડોદરાના ICICI બેંકના એટીએમ રૂમમાં એકપણ CCTV કેમરા લગાવામાં આવ્યા નથી કે અહીં એકપણ સિક્યુરિટી ગાર્ડ મુકવામાં આવ્યો નથી અને ATM રૂમ પણ અવાવરું જગ્યાએ કોમ્પ્લેક્સના ખૂણામાં રાખવામાં આવ્યું છે આમ આટલી ગંભીર ઘટના છતાં એજન્સી આટલી બેદરકારી અનેક શંકાઓ ઉપજાવે તેમ છે
