કડોદરા પોલીસે અંત્રોલી પાસેથી દારૂ ભરેલી કાર ઝડપી પાડી

પલસાણા ,તા.02 ફેબ્રુઆરી 2023,ગુરૂવાર : મળતી માહીતી અનુસાર મંગળવારે કડોદરા પોલીસ મથકના પી આઇ રાકેશ પટેલને બાતમી મળી હતી કે નવસારી તરફથી એક મારુતિ સ્વિફ્ટ ડીઝાયર કાર નંબર DD 09 H 2854મા મોટી માત્રામાં વિદેશી દારૂ ભરીને સુરત તરફ જઈ રહી છે.જે બાતમી આધારે કડોદરા પોલિસ મથકનો સ્ટાફ કડોદરા ચાર રસ્તે વોચ રાખી બેઠા હતા દરમ્યાન બાતમી વાળી કાર આવતા તેને રોકવાની કોશિશ કરતા તે પુર ઝડપે સુરત તરફ હંકારી જતા તેનો ફિલ્મી ઢબે પીછો કરતા અંત્રોલી ત્રણ રસ્તા પાસે કાર ઊભી રાખી કાર ચાલક ખેતરાડી રસ્તે નાસી છૂટયો હતો.જે કાર ચેક કરતા તેમાં વિદેશી દારૂની નાની મોટી કુલ 309 બોટલો જેની કિંમત રૂપિયા 48, 325 એક મોબાઈલ તેમજ મારુતિ સ્વિફ્ટ ડીઝાયર કાર નંબર DD 09 H 2854 જેની કિંમત રૂપિયા 3, 53 , 325 /- નો મુદ્દામાલ જપ્ત કરી કાર ચાલક અજાણ્યા ઈસમને વોન્ટેડ જાહેર કરી આગળની કાર્યવાહી કડોદરા GIDC પોલીસે હાથ ધરી છે.