પલસાણા : સુરત જિલ્લા લોકલ ક્રાઇમ બ્રાન્ચના માણસોએ પેટ્રોલીંગ દરમિયાન બાતમી આધારે પલસાણાના કરાળા ગામની સિમ માંથી કેનાલ રોડ પર જતાં બે થ્રિ વિલહર ટેમ્પા માંથી 2 લાખથી વધુનો દારૂ ઝડપી પાડ્યો હતો અને કડોદરામાં ઇંડાની લારી પરથી અંદાજીત 40 હજારથી વધુંનો દારૂ ઝડપી પાડ્યો તેમજ કડોદરા પોલીસે અંત્રોલી ગામના એક રહીશના વાળામાંથી 28 હજારથી વધુનો દારૂ ઝડપી પાડ્યો.
મળતી માહિતી અનુસાર સુરત જિલ્લા લોકલ ક્રાઇમ બ્રાન્ચના ચિરાગભાઈ જ્યંતિલાલ તેમજ ભરતભાઇ ગાભાભાઈ સહિતના માણસો કડોદરા પોલીસ મથક વિસ્તારમાં શુક્રવારે પેટ્રોલીંગ પર હતા જે દરમિયાન ખાનગી રાહે મળેલી બાતમી આધારે પલસાણાના કરાળા ગામથી ડાભાં ગામ તરફ જતા આંતરિક રસ્તા પર વોચ ગોઠવી બાતમી મુજબના બે થ્રિ વિલહર ટેમ્પો આવતા એને અટકાવ્યા હતા.જેમાં એક ટેમ્પો GJ 05 BW 3746ના ચાલક પોલીસ જોઈને ટેમ્પો રસ્તા પર જ મૂકી ભાગી છૂટ્યો હતો પોલીસે બને ટેમ્પામાં તપાસ કરતા ટેમ્પાની પાછળ જુદી જુદી બ્રાન્ડની 612 વિદેશી દારૂની બોટલ મળી આવી હતી પોલીસે 2.64 લાખની કિંમતનો દારૂ તેમજ બને 1.60 લાખની કિંમતના થ્રિ વિલહર ટેમ્પા તેમજ મોબાઈલ મળી 4.29 લાખની કિંમતનો મુદામાલ કબ્જે કરી GJ 05 BV 2624 ના ચાલક સુમિત કાળુજી બ્યાવત (રહે.તાંતીથૈયા ગોકુળધામ સોસાયટી મૂળ ભીલવાળા રાજસ્થાન)ની અટકાયત કરી અન્ય એક ટેમ્પો GJ 05 BW 3746 ના ચાલક રોહિત મારવાડીને વોન્ટેડ જાહેર કર્યો હતો.તેમજ દારૂ ભરાવનાર વિનોદ મારવાડી અને ગણપત મારવાડીને વોન્ટેડ જાહેર કરવામાં આવ્યા હતા.તેમજ દારૂ મગાવનાર સુરતના રોહિત મારવાડીને વોન્ટેડ જાહેર કર્યો હતો તેમજ બીજા બનાવમાં કડોદરા ખાતે પ્રિયંકા ગ્રીનના મેઈન રોડ પર આવેલ ઈંડાની લારી પર રેડ કરતા ઇંડાની લારીમમાં સંતાળેલો અલગ અલગ બ્રાન્ડની 163 નંગ વિદેશી દારૂ મળી આવ્યો હતો.
પોલીસે આ બનાવમાં ઈંડાની લારી ચલાવતા ઈસમ પ્રદીપસિંગ સારજનસિંગ (રહે.કૃષ્ણા નગર કૃષ્ણાભાઈની બિલ્ડિંગમાં મૂળ યુપી)ની અટકાયત કરી હતી તેમજ દારૂ લેનાર ચલથાણ ખાતેમાં રિનકુ નામના ઇસમને તેમજ દારૂ આપનાર અકિલ અહમદ કાદરીને વોન્ટેડ જાહેર કરવામાં આવ્યો હતો તેમજ ત્રીજા બનાવમાં કડોદરા પોલીસ બાતમી આધારે પલસાણાના અંત્રોલો ગામે પુલ ફળિયામાં ગંગાબેન ભાણાભાઈ રાઠોડના ઘરમાં રેડ કરી હતી.આ રેડમાં પોલીસને ગંગાબેનના મકાનના વાળા માંથી જુદીજુદી બ્રાન્ડની વિદેશી દારૂની 222 બોટલો મળી હતી પોલીસે 38,625 ની કિંમતનો વિદેશી દારૂ કબ્જે લઈ ગંગાબેનની અકાયત કરી હતી તેમજ દારૂ આપનાર વાંકાનેડાના પ્રવીણ વાંસફોડિયાને તેમજ તેજસ ઉર્ફે પોચી વિલાસ વળવી નામના ઇસમને વોન્ટેડ જાહેર કરવામાં આવ્યા હતા.આમ પોલીસે કડોદરા પોલિસ મથક વિસ્તાર માંથી અલગ અલગ બનાવમાં 3.28 લાખથી વધુનો દારૂ ઝડપી પાડ્યો હતો.
