– થોડા દિવસ અગાઉ પાર્સલ સંબંધિત પાર્ટીનો ટ્રાન્સપોર્ટ ઓફિસમાં 5 પાર્સલ ઓછા મળ્યા હોવાનો ફોન આવતા CCTV ફૂટેજ તપાસ કરતાં હકીક્ત બહાર આવી
બારડોલી : સુરત જિલ્લાના પલસાણા તાલુકાના અંત્રોલી ખાતે આવેલા ટ્રાન્સપોર્ટ કંપનીના ગોડાઉનના સિકીયુરિટી એજન્સીના કાયમી વોચમેનના બદલે ક્યારેક ક્યાર અવેજીમાં આવતા વોચમેને ગોડાઉન માંથી ચોરી છુપી રીતે એક મહિના અગાઉ અન્ય રાજ્યમાં મોકલવાના 5 જેટલા ફેન્સી કપડાના પાર્સલની ચોરી કરી હતી.થોડા દિવસ અગાઉ પાર્સલ સંબંધિત પાર્ટીનો ટ્રાન્સપોર્ટ ઓફિસમાં 5 પાર્સલ ઓછા મળ્યા હોવાનો ફોન આવતા તપાસ કરતા 3 ઓગસ્ટના રોજ ચોરી કરી હોવાનું CCTV કેમરામાં કેદ થયું હોવાનું બહાર આવ્યું હતું.ઘટના અંગે ટ્રાન્સપોર્ટ મેનેજરે કડોદરા પોલિસ મથકમાં ફરિયાદ કરી હતી.
મળતી માહિતી અનુસાર પલસાણા તાલુકાના અંત્રોલી ગામની સીમમાં આવેલ ને.હા.6 ની બાજુના આવેલ R.K ટ્રાન્સપોર્ટનું ગોડાઉન આવેલું છે.જે સુરતના વિવિધ ટેકસટાઇલ માર્કેટ માંથી આવેલા અન્ય રાજ્યમાં મોકલવાના પાર્સલ ગાડીમાં ભરી પહોંચાડવાનું કામ કરે છે.ગત 16 ઓગસ્ટના ટ્રાન્સપોર્ટની બિહારની એક પાર્ટીનો ટ્રાન્સપોર્ટ ઓફિસમાં ફોન આવ્યો હતો અને ગોડાઉન માંથી બિહાર મોકલેલા પર્સલો પૈકી 5 પાર્સલ ઓછા હોવાનું જણાવ્યું હતું.જે સબંધે ટ્રાન્સપોર્ટ ઓફીસના કર્મચારી દ્વારા ગોડાઉનમાં લગાવેલા CCTV કેમરાની ફૂટેજ ચેક કરતા ગત 3 ઓગસ્ટ રોજ રાત્રીના 10:20 વાગ્યાના અરસામાં એક ઈસમ ગોડાઉનના ત્રણ નંબરના ગેટમાં અંદરની બાજુએથી લગાવેલા નટબોલટ ખોલી દરવાજો ખોલી ગોડાઉનમાં પ્રવેશી એક પછી એક એમ 5 પાર્સલજેની કીમત ૨.૫૫ લાખની ચોરી કરતા નજરે ચઢ્યો હતો.જે ઈસમ બાબતે ગોડાઉનના કર્મચારીઓ ને પૂછપરછ કરતા ગોડાઉનમાં સિક્યુરિટી એજન્સીમાં ક્યારેક ક્યારેક અવેજીમાં આવતો સલમાન ખાન નામનો ઈસમ હોવાનું બહાર આવ્યું હતું.જે અંગે સિક્યુરિટી એજન્સીના મેનેજરને વધુ પૂછપરછ કરતા તેનું નામ સલમાન શહીદ ખાન રહે.હરિઓમ નગર દિલીપભાઈના મકાનમાં પાંચમા માળે સારોલી સુરત હોવાનું જણાવ્યું હતું.જેથી ટ્રાન્સપોર્ટના મેનેજર સુશીલકુમાર સિંગ નાઓએ સલમાન ખાન વિરુદ્ધ કડોદરા જી.આઈ.ડી.સી.પોલિસ મથમના ફરિયાદ આપી હતી
