- સિરાજે સોશિયલ મીડિયા પર કોહલીના વખાણ કર્યા છે
દિલ્હી : વિરાટ કોહલીએ ભારતીય ટેસ્ટ ટીમની કેપ્ટનશીપ છોડી દીધી છે.ભારતીય ક્રિકેટ ટીમના ફાસ્ટ બોલર મોહમ્મદ સિરાજે પૂર્વ કેપ્ટન વિરાટ કોહલી માટે એક ખાસ સંદેશ આપ્યો છે.સિરાજે સોશિયલ મીડિયા પર કોહલીના વખાણ કર્યા છે.તેણે પોસ્ટમાં કહ્યું કે,તે હંમેશા તેનો કેપ્ટન રહેશે.
ભારતીય ઝડપી બોલર મોહમ્મદ સિરાજે સોશિયલ મીડિયા પર પોસ્ટ કર્યું કે,મારા સુપરહીરો માટે.તમારા તરફથી મને જે સમર્થન અને પ્રોત્સાહન મળ્યું છે તેના માટે આભાર માનવો પૂરતો નથી.તમે હંમેશા મારા મોટા ભાઈ જેવા રહ્યા છો. મારા પર વિશ્વાસ કરવા બદલ આભાર.કિંગ કોહલી તમે હંમેશા મારા કેપ્ટન રહેશો.
મોહમ્મદ સિરાજે 2017માં વિરાટ કોહલીની કેપ્ટનશીપમાં તેની આંતરરાષ્ટ્રીય કારકિર્દીની શરૂઆત કરી હતી.આ ટી20 મેચ હતી,જે રાજકોટમાં ન્યૂઝીલેન્ડ સામે રમાઈ હતી.સિરાજ ત્યાર બાદ કોહલીના નેતૃત્વમાં આઇપીએલમાં રોયલ ચેલેન્જર્સ બેંગ્લોર તરફથી રમ્યો હતો.મોહમ્મદ સિરાજે 2020માં વિરાટ કોહલીની કેપ્ટનશીપમાં પ્રથમ વનડે મેચ રમી હતી.આ વર્ષે ડિસેમ્બરમાં તેને ઓસ્ટ્રેલિયાના પ્રવાસ પર ટેસ્ટ ડેબ્યૂ કરવાની તક મળી હતી.હવે તે ટેસ્ટ ટીમનો નિયમિત સભ્ય છે.તેણે અત્યાર સુધી 12 ટેસ્ટ મેચ રમી છે.
કોહલીની ગણતરી ભારતીય ક્રિકેટના સૌથી સફળ ટેસ્ટ કેપ્ટનોમાં થશે.મહેન્દ્ર સિંહ ધોની બાદ કોહલીએ ભારત માટે કુલ 68 મેચોમાં ટીમની કમાન સંભાળી હતી,જેમાં ટીમ ઈન્ડિયાએ 40 મેચ જીતી હતી.આ દરમિયાન ટીમની જીતની ટકાવારી 58.82 રહી હતી.
