– ડિજીટલ પ્લાનિંગથી ઓડિયો કોન્ફરન્સ પર થાય છે ટાર્ગેટની ચર્ચા
– શૂટર્સ દિલ્હી,એનસીઆર,હરિયાણા,પંજાબ અને પશ્ચિમી ઉત્તરપ્રદેશમાં વધુ સક્રિય
પંજાબના મશહૂર ગાયક સિધ્ધુ મુસેવાલાની હત્યામાં ગેંગસ્ટર લોરેન્સ બિશ્નોઇનું નામ ઉછળ્યું છે.આ ખુંખાર ગેંગસ્ટર જેલમાં છે તેમ છતાં તેની બહાર ધાક જોવા મળે છે.દેશ અને વિદેશમાં તેને ગુનાનું નેટવર્ક ગોઠવ્યું છે.એક માહિતી મુજબ લોરેન્સની ગેંગમાં 1000 માણસો છે.જેમાં શાર્પ શૂટર્સ,સપ્લાયર,રેકી પર્સન,લોજીસ્ટિક સપોર્ટ અને આશ્રય આપનારા માણસોનો પણ સમાવેશ થાય છે.લોરેન્સની ગેંગ આધૂનિક છે તેમાં તમામ કાર્યવાહી ડીજીટલ ચાલે છે.ગુના અંગેની ચર્ચાઓ,વાર્તાલાપ અને ટાર્ગેટ ઓડિયો કોન્ફરન્સ દ્વ્રારા લોરેન્સ અને ગોલ્ડી બરાડ સમગ્ર ગેંગના માસ્ટર માઇન્ડ ગણાય છે.
લોરેન્સનો નજીકનો ભાઇ સચિન બિશ્નોઇ માણસોને જોડવાનું અને ટાર્ગેટ પ્લાન નકકી કરે છે.ભારતમાં 7 રાજયો અને વિદેશમાં 5 દેશોમાં ગેંગસ્ટરનું નેટવર્ક ફેલાયેલું છે.તેની ગેંગમાં 700થી વધારે શુટર્સ છે જે લોરેન્સના માત્ર એક ઇશારાની રાહ જોઇ રહયા હોય છે.આ શૂટર્સ દિલ્હી,એનસીઆર,હરિયાણા,પંજાબ અને પશ્ચિમી ઉત્તરપ્રદેશમાં વધુ ફેલાયેલા છે. 31 વર્ષના લોરેન્સ પર 65 થી વધુ ગુનાહિત કેસ પોલીસ ચોપડે નોંધાયા છે.એવું માનવામાં આવે છે કે વિશ્વમાં ઓસ્ટ્રીયા દેશમાંથી અનમોલ અને કેનેડામાં વિક્રમ બરાડ ફાયનાન્સિયલ ડીલ સંભાળે છે.હવાલો બ્રિટન અને દૂબઇમાંથી પડતો હોવાનું જાણવા મળે છે.લોરેન્સ ગેંગ મેકિસકોના ડ્રગ માફિયા સાથે પણ સંકળાયેલી છે.
સૌથી નવાઇની વાત તો છે કે આટલું મોટું ક્રાઇમ નેટવર્ક છતાં સ્ટાફ એક બીજાને મર્યાદિત ઓળખે છે.કોઇ પણ મિશન પાર પાડવાનું હોય ત્યારે તેમાં જોડાયેલા માણસો વધુમાં વધુ અન્ય એક વ્યકિતને જ ઓળખે છે.એક ગેંગ મેમ્બરને બીજી ગેંગના મેમ્બર અંગે કશી જ જાણકારી હોતી નથી.સૌથી નવાઇની વાત તો એ છે કે મર્ડર પ્લાન સાથે સંકળાયેલી ટીમ પણ એક બીજાને ઓળખતી નથી.
આનો સૌથી મોટો ફાયદો એ છે કે એકાદ વ્યકિત પકડાય તો પણ બીજાની જાણકારી પોલીસને મળતી નથી.જો પણ ક્રાઇમ કરવામાં આવે છે તેનું લિકેજ પ્રુફ પ્લાનિંગ હોય છે. રેકી કરવી,વાહન અને હથિયાર સપ્લાય,ભાગવાનું કઇ દિશામાં અને આશરો કોઇ આપશે એ બધુ જ નકકી હોય છે. ક્રાઇમ મીટિંગમાં જે પણ દિશા નિર્દેશ આપવામાં આવે છે તેને નીચલા સ્તરે માણસો પાલન કરે છે.મોટા ભાગના ઇન પૂટસ ગેંગસ્ટર સચિન આપે છે.
આ ગેંગસ્ટરના પિતા પંજાબ પોલીસમાં કોન્સ્ટેબલ હતા
ફિરોજપુરમાં 12 ફેબ્રુઆરી 1993માં જન્મેલો લોરેન્સ બિશ્નોઇ કોલેજમાં અભ્યાસ કરતો હતો ત્યારથી જ ધાક ધમકી જેવી ગુનાખોરી સાથે સંકળાયેલો હતો.બિશ્નોઇના પિતા પંજાબ પોલીસમાં કોન્સ્ટેબલ રહયા છે.લોરેન્સ 2013માં પંજાબ યુનિવર્સિટીમાં એલએલબીમાં અભ્યાસ કરતો હતો તે દરમિયાન સ્ટુડન્ટ યુનિયન સાથે જોડાયો હતો.આ ગાળામાં જ તેની મુલાકાત ગોલ્ડી બરાડ સાથે થઇ હતી.ત્યાર પછી કેટલીક ગેંગો મર્જ થતી ગઇ તેમાં ગોલ્ડી અને લોરેન્સ માસ્ટર માઇન્ડ ગણાતા હતા. હત્યા,ધમકીઓ અને ખંડણીના ગુનામાં લોરેન્સ બિશ્નોઇ જેલમાં છે.
