કેશોદ ભાજપમાં મોટું ભંગાણ સામે આવ્યું છે.પૂર્વ ધારાસભ્ય અરવિંદ લાડાણીએ ભાજપ પક્ષમાંથી રાજીનામું આપ્યું છે.કેશોદ 88 વિધાનસભામાં ભાજપના ઉમેદવાર દેવા માલમને ટિકિટ અપાતા વિવાદ સર્જાયો હોવાનું સામે આવ્યું છે.સર્વ સમાજની બેઠક બાદ પૂર્વ ધારાસભ્ય અરવિંદ લાડાણીને અપક્ષ ઉમેદવાર તરીકે ચૂંટણી લડાવવાનો નિર્ણય કરાયાનું કહેવાય છે.પૂર્વ ધારાસભ્ય અરવિંદ લાડાણી 2012માં ભાજપ પક્ષ તરફથી ચુંટણી લડી ધારાસભ્ય બનતાં 560 કરોડ કરતાં વધુ ગ્રાંટ લાવતાં સર્વ સમાજે તેમને ચૂંટણી લડવા માટે મનાવ્યા છે.પૂર્વ ધારાસભ્ય પક્ષની વિરૂદ્ધમાં જઈ અપક્ષ તરીકે ઉમેદવારી કરવા તા. 14ના રોજ ફોર્મ ભરવા માટે નિર્ણય કર્યો છે.
ઉલ્લેખનીય છે કે ભાજપ દ્વારા પોતાના 166 ઉમેદવારોની યાદી જાહેર કરવામાં આવી છે.ત્યારે ગુજરાત ભાજપે આજે બીજા 6 નામો ફાયનલ જાહેર કર્યા છે.જેમાં ખંભાળિયાથી ફક્ત મુળુભાઈ બેરા રિપીટ થયા છે.આ સિવાયના તમામ 5 ચહેરા નવા જાહેર થયા છે.
ભાજપે ધોરાજીથી મહેન્દ્રભાઈ પાંડલિયા,કુતિયાણાથી ઢેલીબેન ઓડેદરા,ભાવનગર પૂર્વથી સેજલ પંડ્યા,ડેડિયાપાડાથી હિતેશ વસાવા અને સુરત ચોર્યાસીથી ઝંખનાબેન પટેલનું નામ કાપીને સંદીપ દેસાઈને ટિકિટ ફાળવી છે.
