– પૂર્વ કલેક્ટર કે.રાજેશની CBI દ્વારા ધરપકડ કરવામાં આવી છે.આ ઉપરાંત સહ આરોપી રફીક મેમણના એક દિવસના રિમાન્ડ મંજૂર કરવામાં આવ્યા છે.વચેટીયાઓ મારફત જંગી પ્રમાણમાં લાંચ મેળવી હોવાનું સીબીઆઇનું તારણ છે.
સુરત-અમદાવાદ,તા.21 : પૂર્વ કલેક્ટર કે.રાજેશની CBI દ્વારા ધરપકડ કરવામાં આવી છે.આ ઉપરાંત સહ આરોપી રફીક મેમણના એક દિવસના રિમાન્ડ મંજૂર કરવામાં આવ્યા છે.સુરેન્દ્રનગર ઉપરાંત ગાંધીનગર,સુરત અને તેમના વતન આંધ્ર પ્રદેશમાં પણ એક સાથે સીબીઆઈ દ્વારા દરોડા પાડવામાં આવ્યા હતા.વચેટીયાઓ મારફત જંગી પ્રમાણમાં લાંચ મેળવી હોવાનું સીબીઆઇનું તારણ છે.બામણબોરમાં બે હજાર કરોડના જમીન કૌભાંડનો રેલો કે. રાજેશ સુધી પહોંચશે.
સુરેંદ્રનગરના પૂર્વ કલેકટર IAS અધિકારી કે.રાજેશને ત્યાં CBIએ દરોડા પડી મોટી કાર્યવાહી કરી છે.લાંચ અને ખોટી રીતે લાભ કરાવવા મુદ્દે કેંદ્રીય એજંસીઓએ આ કાર્યવાહી કરી છે.આ કેસમાં CBIએ ભ્રષ્ટાચારી IAS કે.રાજેશના ખાસ ગણાતા રફિક મેમણને સુરતથી દબોચ્યો હતો.આ રફીક મેમણને CBI સ્પેશિયલ કોર્ટમાં રજૂ કરવામાં આવ્યો હતો. CBIએ રફીક મેમણના 10 દિવસના રિમાન્ડ માંગ્યા હતા,પણ કોર્ટે એક દિવસના રિમાન્ડ મંજૂર કર્યા છે.
નોંધનીય છે કે દરોડા બાદ સીબીઆઈએ કે.રાજેશની ધરપકડ કરી આગળની કાર્યવાહી હાથ ધરી છે.આ દરોડા મોડી રાતે પાડવામાં પાડવામાં આવ્યા હતા.આંધ્રપ્રદેશના વતની અને વર્ષ 2011ની બેચના ગુજરાત કેડરના આઈએએસ અધિકારી છે કે. રાજેશ. આ કાર્યવાહી ગાંધીનગર,સુરત અને સુરેન્દ્રનગરમાં કરવામાં આવી છે.આ ઉપરાંત બંદૂક લાયસન્સ માટે મંજૂરી આપવામાં પણ લાંચ લીધી હોવાનો આરોપ આઈએએસ ઉપર લગાવવામાં આવ્યો છે.IAS અધિકારી કે.રાજેશ પર બંદૂક લાયસન્સ માટે પાંચ લાખની લાંચ માંગવાના આરોપ છે. કહેવામાં આવી રહ્યું છે કે આ પાંચ લાખમાંથી ચાર લાખ રોકડા તેમજ એક લાખ ચેક દ્વારા લેવામાં આવતા હતા.
સુરત જિલ્લાના ઓલપાડ અને કામરેજમાં સોનાની લગડી જેવી 7 જમીનોમાં એન.એ ઠરાવ પસાર કરી 35 કરોડ વસૂલ્યા હતા …
સુરત ડીડીઓ તરીકેના કાર્યકાળ વખતે કે.રાજેશએ આચારસંહિતા લાગુ હોવા છતાં અને કારોબારી સમિતિના અધ્યક્ષ સહીતનાઓની મંજૂરી કે ઠરાવ પસાર કર્યા વિના જ મનસ્વીપણે ઓલપાડ અને કામરેજ તાલુકાની 7 જેટલી સોનાની લગડી જેવી જમીનોમાં એન.એના પ્રસ્તાવ પાસ કરી 35 કરોડ રૂપિયા જેટલી માતબર રકમ વસૂલી હતી.આજરોજ CBI દ્વારા તેમના લોકર્સ ઓપરેટ કરવામાં આવતા 400 કરોડની 8 જેટલી પ્રોપર્ટીના દસ્તાવેજો પણ જપ્ત કર્યા હોવાના એહવાલ છે.આખા પ્રકરણમાં સુરેન્દ્રનગર,અમદાવાદના 18 જેટલા લોકોના CBIએ નિવેદન લીધા છે અને આગામી દિવસોમાં કે.રાજેશ ના ગોડફાધર કહો કે પપ્પા એવા સુરત જિલ્લા ભાજપના આગેવાનની પણ CBI પૂછપરછ કરી ધરપકડ કરી શકે એવી શક્યતા છે.
ચર્ચા મુજબ જગ્યાઓ એન.એ કરવાના ખેલમાં કે.રાજેશ આ ભાજપના આગેવાનને સાથે લઇ ચાલતા હતા.બંને કહેવાતા પિતા પુત્રની જોડીએ લગડી જેવી જગ્યાઓમાં કરોડો રૂપિયા વસૂલ્યા છે ત્યારે 400 કરોડની પ્રોપર્ટી માત્ર કે.રાજેશના લોકરમાંથી મળી તો આ ભાજપના આગેવાનએ પણ ભાગબટાઈમાં કેટલા કરોડો રૂપિયાનો ભ્રષ્ટાચાર આચાર્યો હશે તેને લઇને પણ CBI તપાસ થવાની શક્યતા છે. IAS કે.રાજેશના લોકર્સમાંથી અન્ય લોકોના નામવાળા જમીનના દસ્તાવેજો ઉપરાંત કિંમતી વસ્તુઓ મળી છે ત્યારે CBI આ તમામની ઉંડાણપૂર્વક તપાસ કરશે.શું આ જમીનને લગતા દસ્તાવેજો તેમના પપ્પા કે કથિત ગોડફાધરના પણ હોઈ શકે એવી શક્યતા હાલના તબબકે દેખાઈ રહી છે.
વધુમાં સીબીઆઈને સુરતમાં ફ્લેટ -મકાન અને પ્રોપટીમાં રોકાણ સંબંધિત દસ્તાવેજો પણ હાથ લાગ્યા છે તેમજ કે.રાજેશના લેપટોપમાંથી મળેલા ડિજિટલ ડોકયુમેન્ટ્સની પણ સીબીઆઈ તપાસ કરી રહી છે તે જોતા આવનારા દિવસોમાં સુરતના સંખ્યાબંધ લોકોની સંડોવણી ખુલે એવી શક્યતા હોવાનું પણ જાણવા મળ્યું છે. 35 કરોડ રૂપિયા એન.એ પરવાનગી મંજુરમાં જેમની પાસે વસુલ કર્યા એવા તમામ અને હજી સંખ્યાબંધ જમીનના કૌભાંડો સમગ્ર સુરત જીલ્લ્લામાંથી મળે જેમો કરોડો રૂપિયાનો ભ્રષ્ટાચાર બહાર આવે એવી પ્રબળ શક્યતા છે. CBI આવનારા દિવસોમાં તપાસ સુરતમાં કેન્દ્રિત કરે એવા નિર્દેશ વર્તાઈ રહ્યા છે ત્યારે કે.રાજેશના કહેવાતા પપ્પા અને કથિત ગોડફાધર હાલ અમેરિકામાં છે કે અમેરિકા જવાની તૈયારી કરી રહ્યા છે ? તે બાબતે પણ ચર્ચાઓ ચાલી રહી છે.
કે.રાજેશ દ્વારા સુરત જિલ્લાની સરકારી જમીનોમાં પણ વહીવટ કરાયો હોવાની માહિતી છે ત્યારે તેમના ગોડફાધર પણ આ તમામ વિષે નજીકથી જાણતા હોઈ ગમે ત્યારે CBI એમનો પણ ઘેરો ઘાલે એવી શક્યતા હોવાનું સૂત્રો જણાવી રહ્યા છે.
