ગૌહાટી : અસમ વિધાનસભા ચૂંટણી પહેલા અસમ કોંગ્રેસને મોટો ફટકો પડ્યયો છે.અસમ કોંગ્રેસના બે વર્તમાન ધારાસભ્યો ભાજપમાં જોડાયા છે.અસમના ગોલા ઘાટ વિધાનસભા વિસ્તારની ધારાસભ્ય અજંતા નિયોગ, કે જેમની ગણતરી અસમના કદ્દાવર નેતાઓમાં થાય છે તેમણે કોંગ્રેસને અલવિદા કહ્યું છે.અજંતા નિયોગ કોંગ્રેસ સરકારમાં પીજબલ્યુડી મંત્રી પણ રહી ચુક્યા છે,તેઓ ભાજપમાં જોડાયા છે.
આ સિવાય ભાજપમાં જોડાનાર બીજા નેતા રાજદીપ ગોઆલા છે,જેઓ બરાક ઘાટી વિસ્તારના ધારાસભ્ય છે.ઉત્તર પૂર્વ ભારતમાં ભાજપના મુખ્ય રણનીતિકાર તરીકે જેમની ગણના થાય છે તેવા હેમંત બિસ્વ સરમાની હાજરીમાં બંને કોંગ્રેસી ધારાસભ્યોએ વિધિવત ભઆજપમાં પ્રવેશ કર્યો છે.સાથે જ અસમ ભાજપ ધ્યક્ષ રંજીત કુમાર દાસ પણ હાજર હતા.
અત્રે ઉલ્લેખનીય છે કે 2016ના વર્ષમાં અસમમાં ઐતિહાસિક જીત મેળવીને સરકાર બનાવનાર ભાજપ સરકાર હવે બીજી વખત માટે તૈયારીઓ કરી રહી છે.સૌથી મહત્વની વાત તો એ છે કે ભાજપના ગૃહમંત્રી અમિતભાઈ શાહ ગત શનિવાર અને રવિવારે અસમના પ્રવાસ ઉપર હતા.તેમનો પ્રવાસ પુરો થતાની સાથે જ અસમમાં રાજકિય ઉથલપાથળ શરુ થઇ ગઇ છે.મળતી માહિતિ પ્રમાણે કોંગ્રેસના જે બે ધારાસભ્યો ભાજપમાં જોડાયા છે,તે બંનેએ અમિતભાઈ શાહ સાથે મુલાકાત પણ કરી હતી.
કોંગ્રેસના કદ્દાવર નેતા સિવાય બોડોલેન્ડ પીપલ્સ ફ્રંટના એક નેતા પણ ભાજપમાં જોડાયા છે.બનેંદ્ર મુશહરીને પણ અસમના કદ્દાવર નેતા તરીકે ઓળખવામાં આવે છે.તેમના વિસ્તારમાં તેમનું પ્રભુત્વ સારુ છે.આ રાકિય ઉથલપાથલના કારણે અસમ કોંગ્રેસની મુશ્કેલીમાં વધારો થયો છે.
