ગુરુવારની સવારે પીએમ નરેન્દ્ર મોદીની પર્સનલ વેબસાઇટ narendra modi.in સાથે જોડાયેલા ટ્વિટર એકાઉન્ટને હેક કરી લેવામાં આવ્યું,હેકર્સે ટ્વીટર એકાઉન્ટ પર કોરોના મહામારી સામે લડવા માટે લોકોને પીએમ રિલિફ ફંડમાં રૂપિયા જમા કરવાની માગ કરી.આશરે અડધો ડઝન ટ્વીટ કરવામાં આવ્યા.આ તમામ ટ્વીટમાં લગભગ એકસમાન મેસેજ હતા. આ ઉપરાંત લોકોને બિકોઇન દ્વારા ડોનેટ કરવાનું કહેવામાં આવ્યુ.જો કે રાહતની વાત એ છે કે થોડી જ વારમાં એકાઉન્ટ રિકવર કરી લેવામાં આવ્યું અને હેકર્સની તમામ ટ્વીટ ડીલીટ કરી દેવામાં આવી.ટ્વીટરે પણ આ અંગે તપાસ હાથ ધરી છે.
વાયરલ થવા લાગ્યા મેસેજ
પીએમ મોદીના આ ટ્વીટર હેન્ડલ પર આશરે 25 લાખ ફોલોઅર્સ છે. પરિણામે એકાઉન્ટ હેક થતાં જ હેકર્સના મેસેજ તરત જ વાયરલ થવા લાગ્યા.હેકર્સે એકાઉન્ટને હેક કર્યા બાદ લખ્યું હતું કે આ એકાઉન્ટને જૉન વિક (hckindia@tutanota.com)એ હેક કર્યુ છે.સાથે જ તે પણ દાવો કરવામાં આવ્યો કે પેટીએમ મૉલ એપને હેક કરવામાં તેમનો કોઇ હાથ ન હતો.
કોણ છે જૉન વિક
જૉન વિક હોલીવુડની એક મશહૂર ફિલ્મ છે.જ્યાં જૉન વિકની ભૂમિકા કીનૂ રિવ્સે નિભાવી છે.આ ફિલ્મ એક કાલ્પનિક કેરેક્ટર પર આધારિત છે.ફિલ્મમાં જૉન વિક્સ પોતાના કૂતરાને મારનાર બદમાશોની તલાશ કરે છે.એવા બદમાશ જેણે તેની પાસેથી બધુ ઝૂંટવી લીધુ હતું.આ ફિલ્મના ત્રણ અલગ-અલગ પાર્ટ અત્યાર સુધીમાં રિલિઝ થઇ ચુક્યાં છે.વર્ષ 2014માં પહેલી ફિલ્મ આવી હતી. તે બાદ તેની બે સિક્વલ બનાવવામાં આવી હતી.
શું છે બાકીના બે પાર્ટમાં ફિલ્મના બીજા પાર્ટમાં તે દર્શાવવામાં આવ્યું છે કે કેવી રીતે એક અનાથ વિકને તરાસોવ રશિયન માફિયા ઉઠાવીને લઇ જાય છે અને તેને હત્યારો બનાવી દે છે.તેની નિર્દયતાએ તેને બાબા યાગા અને બૂગીમેનનું નામ આપ્યુ.ત્રીજા પાર્ટમા તેના અસલી નામ-જરદાની જોવોનાવિચ વિશે ખબર પડે છે.
