તા.14 માર્ચ,સોમવાર અમદાવાદ : કોરોનાની પ્રથમ લહેરમાં લોકડાઉન અને કડક નિયમો અમલી હોવાથી દેશમાં બેરોજગારીનો દર વધી ૨૦.૮ ટકા થયા બાદ બિઝનેસ,ઉદ્યોગો ફરી ખુલવા શરૂ થયા અને રોજગારીની તક વધી હતી.પણમાર્ચથી જૂન ૨૦૨૧ વચ્ચે દેશમાં કોરોનાની બીજી લહેર જોવા મળી હતી.પ્રથમ લહેર કરતા કેસની સંખ્યા વધી હતી અને મૃત્યુનું પ્રમાણ પણ વધારે હતું.આમ છતાં,કેન્દ્ર સરકારે વ્યાપાર અને ઉદ્યોગોને વ્યાપક નુકસાન થાય નહિ એ માટે મોટાભાગના બિઝનેસ ચાલુ રાખવા છૂટ આપી હતી.આ ઉપરાંત,રાષ્ટ્રવ્યાપી લોકડાઉન જાહેર કર્યું ન હતું.
આમ છતાં,બીજી લહેરમાં દેશમાં બેરોજગારીનો દર વધી ૧૨.૬ ટકા થઇ ગયો હોવાનું શ્રમ મંત્રાલયના પીરીયોડીક લેબર સર્વેમાં આજે બહાર આવ્યું છે.એપ્રિલથી જૂન ૨૦૨૧ના ક્વાર્ટરમાં દેશમાં પુરુષોમાં બેરોજગારી ૧૨.૨ ટકા અને મહિલાઓમાં ૧૪.૩ ટકા સાથે કુલ બેરોજગારી ૧૨.૬ ટકા રહી હોવાનું સત્તાવાર રીતે જાહેર થયું છે.આ ઉલ્લેખનીય છે કે બેરોજગારીનો આ દર જુલાઈથી સપ્ટેમ્બર ૨૦૨૦ના ક્વાર્ટર પછી સૌથી ઉંચો હતો.
સમય
પુરુષ
મહિલા
કુલ
એપ્રિલ – જૂન ૨૦૨૦
૨૦.૭
૨૧.૧
૨૦.૮
જુલાઈ – સપ્ટેમ્બર ૨૦૨૦
૧૨.૬
૧૫.૮
૧૩.૨
ઓક્ટોબર – ડિસેમ્બર ૨૦૨૦
૯.૫
૧૩.૧
૧૦.૩
જાન્યુઆરી – માર્ચ ૨૦૨૧
૮.૬
૧૧.૮
૯.૩
એપ્રિલ – જૂન ૨૦૨૧
૧૨.૨
૧૪.૩
૧૨.૬
