– Dolo -650 બનાવતી કંપનીએ ડોકટરોને ₹1000 કરોડની લાંચ આપી હોવાનું જાણવા મળ્યું છે.ડોલો ટેબલેટ મેન્યુફેક્ચરિંગ ફાર્મા કંપનીએ તેનું વેચાણ વધારવા માટે ડૉક્ટરને ₹1000 કરોડની મફત ભેટનું વિતરણ કર્યું છે.આ મામલાની સુનાવણી સુપ્રીમ કોર્ટમાં ચાલી રહી છે અને સુપ્રીમ કોર્ટે તેને ગંભીર મામલો ગણાવ્યો છે.કોરોના સંકટમાં ડોકટરો દર્દીઓને ડોલો-650 જ પ્રિસ્ક્રાઈબ કરતાં હતાં
દિલ્હી : ભારતમાં બે વર્ષ પહેલા કોરોનાવાયરસના સમયગાળા દરમિયાન,કોઈપણ ડૉક્ટર દર્દીને પહેલેથી જ જાણીતી પેરાસિટામોલ આપવાને બદલે ડોલો-650 લેવા ભલામણ કરતાં હતા.નવાઈની વાત એ છે કે માત્ર 2 વર્ષના ગાળામાં જ દેશભરના ડોક્ટરોએ ડોલો-650 પ્રિસ્ક્રાઈબ કરવાનું શરૂ કર્યું હતું.હવે સ્થિતિ એ છે કે મોટાભાગના ડોકટરો તાવની સ્થિતિમાં ડોલો 650 નામની દવા ચોક્કસપણે લખી આપે છે.
લોકોને ડોલો 650થી પણ ફાયદો થાય છે.
કંપનીના દાવા મુજબ, આ દવા તાવ માટે ખૂબ જ અસરકારક છે,પરંતુ સમસ્યા એ છે કે તાવ માટે લેવામાં આવતી દવાઓનું શું થયું કે અચાનક બધા ડૉક્ટરોએ ડોલો લખવાનું શરૂ કરી દીધું?
ડોલો-650 બનાવતી કંપનીએ ડોકટરોને ₹1000 કરોડ ફાળવ્યા હતાં.ડોલો ટેબલેટ મેન્યુફેક્ચરિંગ ફાર્મા કંપનીએ તેનું વેચાણ વધારવા માટે ડૉક્ટરને ₹1000 કરોડની મફત ભેટનું વિતરણ કર્યું છે.આ મામલાની સુનાવણી સુપ્રીમ કોર્ટમાં ચાલી રહી છે અને સુપ્રીમ કોર્ટે તેને ગંભીર મામલો ગણાવ્યો છે.ફેડરેશન ઓફ મેડિકલ એન્ડ સેલ્સ રિપ્રેઝન્ટેટિવ એસોસિએશન ઓફ ઈન્ડિયાએ સુપ્રીમ કોર્ટમાં કેસ દાખલ કર્યો છે.કોર્ટમાં કેસ દાખલ કરનાર સંસ્થાએ કહ્યું છે કે 500 મિલિગ્રામ સુધીની કોઈપણ ટેબલેટની બજાર કિંમત સરકાર દ્વારા નક્કી કરવામાં આવે છે. 500 મિલિગ્રામથી વધુની દવાની કિંમત ફાર્મા કંપની નક્કી કરી શકે છે.વધુ નફો મેળવવા માટે કંપનીએ 650 મિલિગ્રામ ડોલો લખવા માટે ડોકટરોને ભેટ આપી છે.
સુપ્રીમ કોર્ટના જસ્ટિસ ચંદ્રચુડે કહ્યું છે કે જ્યારે મને કોરોના હતો ત્યારે પણ ડોક્ટરે આ જ દવા આપી હતી.માર્ચ 2020થી ડિસેમ્બર 2021 સુધીમાં 567 કરોડ રૂપિયાની ડોલો 650 ટેબલેટ વેચાઈ છે.ડોલો-650 ટેબલેટને કોરોના સંકટમાં મનપસંદ નાસ્તો તરીકે લોકો લઈ રહ્યા હતા.તે એક વર્ષમાં મોટા પ્રમાણમાં વેચાઈ હતી.
#Dolo650 મીમ ફેસ્ટ તરીકે સોશિયલ મીડિયા પર ટ્રેન્ડ કરી રહ્યું હતું.
શરૂઆતથી જ મોટી બ્રાન્ડ્સ પેરાસિટામોલ ટેબ્લેટ 500 મિલિગ્રામમાં વેચતી હતી પરંતુ માઇક્રો લેબ્સ લિ.એ ડોલોને 650 મિલિગ્રામમાં વેચી હતી.
તેને એવી રીતે પ્રમોટ કરવામાં આવ્યું હતું કે જ્યારે તાવનું કારણ જાણી શકાયું નથી,તો ડોલો-650 ટેબ્લેટ લો.આનાથી તેને ઘણી લોકપ્રિયતા મળી હતી.ડોક્ટરનું કહેવું છે કે ડોલો-650 દવાની આડઅસર ઘણી ઓછી છે, આ દવા મેડીકલ સ્ટોર પર સરળતાથી ઉપલબ્ધ છે.
