– શારજાહ ફ્લાઇટ પણ રદ
સુરત, તા. 21 માર્ચ 2020 શનિવાર
સુરતથી દિલ્હી સહિતની ચાર ફ્લાઈટ ગઈકાલે રદ કરવામાં આવ્યા પછી આજે બીજા પાંચ શહેરોને સાંકળતી ફલાઇટ રદ કરવામાં આવી છે. જ્યારે ગઈકાલે રાતની શારજાહની આંતરરાષ્ટ્રીય પણ રદ કરવામાં આવી છે.કોરોના વાઈરસને પગલે તકેદારીરૂપે ટ્રેન અને હવાઈ મુસાફરીના વિકલ્પો પ્રવાસીઓ માટે અત્યારે બંધ થઈ રહ્યાં છે. શનિવારની આજની સુરતથી ગોવા, જેસલમેર, ઉદયપુર, કલકત્તા અને દિલ્હીની ફ્લાઈટ રદ કરવાનો નિર્ણય લેવામાં આવ્યો છે.દેશના નાગરિકો બિનજરૂરી પ્રવાસ ટાળે અને પોતાના ઘરો મકાનોમાંથી બહાર નહિ નીકળે તે માટે મુસાફરીના વિકલ્પો અત્યારે બંધ થઈ રહ્યા છે. સુરતથી ગઈકાલે ગોવા, દિલ્હી, જેસલમેર અને ઉદેપુરની ફ્લાઈટ પણ રદ કરવામાં આવી હતી.
