ઈટાલીમાં મૃત્યુઆંક 6,820 પર પહોંચ્યો
એજન્સી, રોમ
દુનિયાના 192 દેશોમાં કોરોના વાયરસે પગપેસારો કર્યો છે. ત્યાંજ કોરોના વાઈરસના મૂળ એવા ચીન કરતાં પણ ઈટાલીમાં મૃત્યુઆંક લગભગ બમણો થઈ ગયો છે. ઈટાલીમાં સોમવારે 3,780 , મંગળવારે 3,612 અને રવિવારે 3,957 કેસ સામે આવ્યા હતા. જો કે મંગળવારે ઈટાલીમાં કોરોનાને કારણે 743 લોકોના મોત થયા છે. અગાઉ શનિવારે ઈટાલીમાં 793 લોકોના મોત થયા હતા.
ઈટાલીમાં નવા સંક્રમણના કેસમાં ઘટાડો થતા મેડિકલ ઓફિસર ખુશ થવા લાગ્યા હતા અને જણાવવામાં આવી રહ્યું હતું કે તેમણે તેમની અર્થવ્યવસ્થા અને આઝાદીને દાવ પર લગાવી જેની પોઝિટિવ અસર જોવા મળી રહી છે. જો કે એક દિવસ બાદ મંગવારે ઈટાલીમાં 743 લોકોના મોત થયા હતા.
ઈટાલીમાં 5,249 નવા કેસ નોંધાયા છે અને કોવિડ-19ના દર્દીઓની કુલ સંખ્યા 69,176 પર પહોંચી ગઈ છે. ત્યાંજ કોરોનાને કારણે અત્યાર સુધી 6,820 લોકોના મોત થયા છે. આ સાથે જ ઈટાલીના મૃત્યુદર પણ ચિંતાજનક 9.8 ટકા પર પહોંચી ગયો છે.
