– સુરત કોર્પોરેશન ખાતે જિલ્લા કલેક્ટર મ્યુનિસિપલ કમિશનર અને પોલીસ કમિશનરની હાજરીમાં બેઠક શરૂ
સુરત : સુરત શહેરની સ્થિતિ વણસતા કેન્દ્રની ટીમ સુરત ખાતે પરિસ્થિતિનો તાગ મેળવવા માટે પહોંચી છે.કેન્સરની ટીમલી 12 લોકોની ટીમ સુરત પહોંચી છે જેમાં 3 વૈજ્ઞાનિકો, ડોક્ટર અને અધિકારીઓનો સમાવેશ થાય છે.સુરત કોર્પોરેશન ખાતે જિલ્લા કલેક્ટર મ્યુનિસિપલ કમિશનર અને પોલીસ કમિશનરની હાજરીમાં હાઇ લેવલ મીટિંગ ચાલી રહી છે.
મ્યુનિસિપલ કમિશનર દ્વારા કેન્દ્રથી આવેલી ટીમે શહેરની તમામ સ્થિતિનો ચિતાર આપવામાં આવી રહ્યો છે.સુરત શહેરમાં કેટલા કન્સાઇનમેન્ટ ઝોન છે. કેટલા હોટસ્પોટ છે,તે અંગેની પણ ઝીણવટ ભરી માહિતી આપવામાં આવી રહી છે.કન્ટેનમેન્ટ ઝોન અને હોટસ્પોટમાં કોર્પોરેશન શું કામગીરી કરી રહી છે,તે અંગેની માહિતી આપવામાં આવી રહી છે.સુરત શહેરમાં રોજના કેટલા સ્થળ ઉપર વેક્સિનેશનની કામગીરી થઇ રહી છે.તેની હાલ માહિતી આપવામાં આવી છે.શહેરમાં વધતા જતા કોરોના સંક્રમણને લઈને કયા પ્રકારે કોર્પોરેશનના ધનવંતરી રથનો ઉપયોગ કરવામાં આવી રહ્યો છે.ટેસ્ટિંગની પ્રક્રિયા કેવી રીતે ઝડપથી વધારવામાં આવી રહી છે.તે અંગે પણ તમામ આંકડાકીય બાબતોને કેન્દ્રની ટીમ સમક્ષ રજૂ કરવામાં આવ્યા છે.
સુરત શહેરની સરકારી અને ખાનગી હોસ્પિટલોની સ્થિતિ અંગે જે બેડની વ્યવસ્થાઓ છે, તે અંગે પણ વિસ્તૃત માહિતી રજૂ કરવામાં આવી રહી છે. સુપર સ્પ્રેડર ઉપર નિયંત્રણ લાવવા માટે જે કામગીરી કોર્પોરેશન દ્વારા કરવામાં આવી છે, જેમાં વિશેષ કરીને ટેક્સટાઇલ્સ અને ડાયમંડ ઉદ્યોગમાં કોરોના સંક્રમણ કાબૂમાં રહે તે માટે જેટલું પણ આયોજન કરવામાં આવ્યું છે.તે અંગે સ્પષ્ટતા કરવામાં આવી છે.
